Հուսո առագաստ Հուսո առագաստ 2019 armeniaOn.com. «Հուսո առագաստ 2019»-ը սկսել է իր 5-րդ նավարկությունը

armeniaOn.com. «Հուսո առագաստ 2019»-ը սկսել է իր 5-րդ նավարկությունը

ArmeniaOn.com պարբերականը 10․06․2019-ի իր հրապարակման մեջ գրում է․
Հայաստանյան իրականության հետաքրքիր դրվագներից մեկը արդենհինգերորդ տարին անընդմեջ կազմակերպվող «Հուսո առագաստ» հեղինակային երգի միջազգային փառատոնն է: Այն իսկական իրադարձություն է հատկապես հեղինակային երգի սիրահարների ևստեղծագործող երիտասարդության համար:

«Սիվիլ արտ» մշակութային հասարակական կազմակերպության և «Բարդերի ակումբ» ստեղծագործական միավորման կազմակերպած միջոցառման նպատակը այս ինքնատիպ ժանրը զարգացնելն ու տարածելն է, այն հանրության ավելի լայն շրջանակներին հասանելի դարձնելը, մշակութամերձ մարդկանց համար հետաքրքիր ժամանց ապահովելը, երիտասարդ ու ասելիք ունեցող հեղինակ-կատարողների`բարդերի հայտնաբերելն ու ոգևորելը:

Ruben Hakhverdian, Sale of Hope 2018

Անշուշտ, պակաս կարևոր չեն նաև հանդիսատեսի ներկայությունն ու աջակցությունը: Մրցութային փուլին կարող են մասնակցել բոլոր այն երիտասարդները, որոնք երգի հեղինակ են, իրենք են կատարում իրենց երգը և իրենք էլ նվագակցում են կիթառով։

Vakhtang Aroshidze, Sale of Hope 2018

«Հուսո առագաստ»-2019-ի հայտերի ընդունումն արդեն սկսվել է: Այն կտևի մինչև հուլիսի 1-ը: Այնուհետև բոլոր հայտ ներկայացրած անձինք կհրավիրվեն լսումների, որից հետո ժյուրիի կողմից ընտրված տասը լավագույնները փառատոնին մասնակցելու հայտ կստանան:

Հանդիսատես, Հուսո առագաստ 2018

 

Փառատոնի հիմնական ու եզրափակիչ փուլը տեղի կունենա հուլիսի 19-21-ը Սևանում՝ Շորժայի WishUp լողափում:

Այս տարի ևս երեք օր շարունակ բնության այս գողտրիկ անկյունում, մեծ խարույկի կողքին, լավագույն տասնյակի հետ ելույթ կունենան անվանի բարդեր, տարբեր տարիների փառատոներում աչքի ընկած երիտասարդներ, կկազմակերպվեն դուետ-կատարումներ և այլն:

Հուսո առագաստ 2019

Նշենք, որ արդեն երրորդ տարին է՝ փառատոնը միջազգային է և հյուրընկալում է նաև արտերկրից ժամանած հեղինակ-կատարողների: Փառատոնի մասնակիցների եռօրյա կեցությունն ամբողջությամբ ապահովում են կազմակերպիչները:

Հուսո առագաստ 2018

Իր մեկնարկից ի վեր ամենամյա փառատոնն արդեն բեմահարթակ է տրամադրել 40-ից ավելի սկսնակ հեղինակ-կատարողների: Այսօր նրանցից շատերը մասնակցում են համերգների և նույնիսկ մենահամերգներով են ներկայանում:
Բարի ու բեղմնավոր ընթացք մաղթենք «Հուսո առագաստ»-2019-ին:

Աղբյուր

AddThis Social Bookmark Button
 
Կայքում են
We have 58 guests online

Աջակից

Place Your ad here!

Այս թեմայով այլ էջեր