Հուսո առագաստ Հուսո առագաստ 2017 «ՀՈՒՍՈ ԱՌԱԳԱՍՏ-2017»-ը մեկնարկում է

«ՀՈՒՍՈ ԱՌԱԳԱՍՏ-2017»-ը մեկնարկում է

ՀՈՒԼԻՍԻ 14-16

«Վիշապ» լողափ (Գեղարքունիքի մարզ, Սևանա լիճ, Շորժա գյուղ)

Բոլոր նրանք, ովքեր ստեղծագործում են բարդ ժանրում, արդեն իսկ կարող են լրացնել «Հուսո առագաստ» հեղինակային երգի միջազգային փառատոնին մասնակցելու օնլայն-հայտը և դառնալ «Լավագույն տասնյակ» անվանակարգի հավակնորդ։

Փառատոնին մասնակցելու համար անհրաժեշտ է մինչև հուլիսի 7-ը լրացնել առցանց հայտը և This e-mail address is being protected from spambots. You need JavaScript enabled to view it հասցեին ուղարկել հեղինակային 1 երգ (mp3 ձևաչափով, ստուդիոն ձայնագրությունը պարտադիր չէ), դրա տեքստը (PDF տարբերակով) և լուսանկար։ Պարտադիր է, որ հայտատուն ներկայացնի ի՛ր հեղինակային երգը (լինի թե՛ խոսքի, թե՛ երաժշտության հեղինա՛կը) և հանդես գա կիթառի սեփական կատարմամբ (և՛ նախնական լսումների, և՛ եզրափակիչ փուլի ժամանակ)։

Հիշեցնենք՝
* փառատոնն ընթանում է 2 փուլով՝ նախընտրական և եզրափակիչ։ Նախընտրական փուլում կազմակերպվում են լսումներ, ինչի արդյունքում եզրափակիչ փուլ են անցնում ժյուրիի կողմից ընտրված նորանուն տասը հեղինակ-կատարողներ։ Եզրափակիչ փուլում կազմակերպվում է հեղինակային երգի եռօրյա համերգաշար, որին մասնակցելու հնարավորություն են ստանում «Լավագույն տասնյակ» անվանակարգի արժանացած հեղինակ-կատարողները։ Փառատոնն ամփոփվում է հավաստագրերի, շնորհակալագրերի և խորհրդանշական նվերների հանձնման հանդիսավոր արարողությամբ և բարդ ժանրի մի քանի սերունդների մասնակցությամբ գալա մեծ համերգով։

«Հուսո առագաստ-2017»-ն իրականացվում է «Բարդերի ակումբ» ստեղծագործական միավորման և «Սիվիլ արտ» մշակութային հասարակական կազմակերպության կողմից։ Նպատակը երիտասարդ հեղինակ-կատարողների բացահայտումն է, նրանց ստեղծագործական գործունեությունը խթանելը և բեմ տրամադրելը, ինչպես նաև՝ մշակութային միջավայր ստեղծելը, հեղինակ-կատարողների ու հեղինակային երգի սիրահարների միջև անմիջական շփում ապահովելը:

«Հուսո առագաստ-2017»-ին հայ անվանի հեղինակ-կատարողներից և բարդ ժանրում սկսնակ ստեղծագործողներից բացի՝ մասնակից են երկու տասնյակից ավելի հեղինակ-կատարողներ Ռուսաստանից, Վրաստանից, Ուկրաինայից։
Փառատոնին մասնակցել ցանկացողներին հրավիրում ենք լրացնելու մեր օնլայն-հայտը։

BardFest2016-ի լուսաբանումը

Հուսո Առագաստ 2015 փառատոնի առաջին փուլի տեսաշարը

AddThis Social Bookmark Button
 
Կայքում են
We have 60 guests online

Աջակից

Place Your ad here!

Այս թեմայով այլ էջեր