Հուսո առագաստ Հուսո առագաստ 2019 "ՀՈՒՍՈ ԱՌԱԳԱՍՏ-2019" հիմնական տեղեկատվություն

"ՀՈՒՍՈ ԱՌԱԳԱՍՏ-2019" հիմնական տեղեկատվություն

Հեղինակային երգի հարգելի սիրահար,

Հերթական անգամ մեկնարկում է «Հուսո առագաստ» հեղինակային երգի միջազգային փառատոնը, որն անց է կացվում արդեն 5-րդ անգամ՝ «Սիվիլ արտ» մշակութային հասարակական կազմակերպության և «Բարդերի ակումբ» ստեղծագործական միավորման համատեղ ջանքերով։

Փառատոնի ընտրական լսումների հայտերի ընդունումն արդեն սկսված է։ Մասնակցության համար պետք է լրացնել հայտադիմումը ներքոնշյալ հղմամբ։ Հայտադիմումների ընդունման վերջնաժամկետն է հունիսի 30-ը։ Այնուհետև դուք կհրավիրվեք լսումների, ինչի արդյունքում ժյուրին  կձևավորի փառատոնի մասնակիցների «Լավագույն տասնյակը», որը և հնարավորություն կստանա  մասնակցել փառատոնին:

Փառատոնի հիմնական փուլը նախատեսված է անցկացնել հուլիսի 19-ից 21-ը Սևանում՝ Շորժայի WishUp լողափում, որին «Լավագույն տասնյակ»-ի հետ միասին կմասնակցեն անվանի բարդեր,  նոր սերնդի ներկայացուցիչներ և արտերկրից ժամանած երգահան հյուրեր։  Փառատոնի բացումը կկայանա հուլիսի 19-ին ժամը 20։00, իսկ մեծ գալա-համերգը՝ հուլիսի 20-ին ժամը 20։00։ Այն կտևի շուրջ 6 ժամ, ապա կշարունակվի մինչ ուշ գիշեր՝ արդեն խարույկի շուրջ:

Փառատոնի օրերը հագեցված կլինեն  վարպետաց դասերով, տարբեր հանդիպում-համերգներով, դուետներ եվ այլ ստեղծագործական  միջոցառումներով։ Կազմակերպիչներն ապահովում են նաև մասնակիցների եռօրյա կացությունը` լողափում տեղակայված վրանային ավանում։

ԼՐԱՑՆԵԼ ՀԱՅՏԸ

Հավելյալ տեղեկատվության համար կարող եք այցելել BARDFEST Armenia մեր ֆեյսբուքյան էջ կամ զանգահարել 091 497 387 հեռախոսահամարով։
Մեր hashtag-երը ֆեյսբուքում՝ #bardfest #wishup #bardclub #bardfest2019

Իսկ թե ինչպես է անցել նախորդ փառատոնը, դիտեք տեսանյութում :)

AddThis Social Bookmark Button
 
Կայքում են
We have 90 guests online

Աջակից

Place Your ad here!

Այս թեմայով այլ էջեր