Առաջին լրատվականն անդրադարձել է "Հուսո առագաստ -2019" հեղինակային երգի միջազգային փառատոնին

9.06.2019

«Սիվիլ արտ» մշակութային հասարակական կազմակերպությունը «Բարդերի ակումբ» ստեղծագործական միավորման հետ համատեղ 5-րդ տարին հայտարարում է «Հուսո առագաստ» հեղինակային երգի միջազգային փառատոնի անցկացման մասին:

Փառատոնն ընթանում է 2 փուլով՝ նախընտրական և համերգային.

Նախընտրական փուլը ներառում է հայտերի ընդունում և նախնական լսումներ (մինչև 10.07.2019), որի ընթացքում փառատոնի ժյուրիի կազմը կլսի նախապես հայտադիմումներ լրացրած մասնակիցներին։ Արդյունքում կորոշվեն «Լավագույն տասնյակ-2019» անվանակարգին արժանի մասնակիցները, որոնք իրենց ելույթներով կներկայանան հաջորդ՝ համերգային փուլին։ Ի դեպ, փառատոնի շրջանակում մասնակիցների կեցության հարցերը հոգում են փառատունի կազմակերպիչները։
Համերգային փուլը տեղի է ունենալու ս.թ. հուլիսի 19-21-ը Գեղարքունիքի մարզում՝ Շորժա գյուղին հարակից «WishUp» լողափում։ Կազմակերպվելու է հեղինակային երգի եռօրյա համերգաշար, որն ամփոփվելու է հավաստագրերի, շնորհակալագրերի և խորհրդանշական նվերների հանձնման հանդիսավոր արարողությամբ և հեղինակ-կատարողների մի քանի սերունդների մասնակցությամբ գալա մեծ համերգով։

Փառատոնի եռօրյա համերգաշարերին հանդես են գալու՝

• Հայաստան ժամանած արտերկրյա հյուրեր՝ հեղինակ-կատարողներ։
• փառատոնի «Լավագույն տասնյակ» անվանակարգին արժանացած հեղինակ-կատարողներ,
• հեղինակային երգի (Բարդ) ժանրում նորահայտ ստեղծագործողներ (հեղինակ-կատարողների նոր սերունդ),
• անվանի հայ հեղինակ-կատարողներ,

Հիշեցնենք՝ փառատոնը կազմակերպվում է 2015 թվականից։ Հիմնական նպատակը ոչ միայն

սկսնակ հեղինակ-կատարողներին հայտնաբերելն ու նրանց ստեղծագործական գործունությունը խթանելն է, բեմ տրամադրելը, այլև մշակութային միջավայր ստեղծելը և հեղինակային երգի (Բարդ) ժանրի սիրահարների ու երգահանների միջև շփում ապահովելը։