Մամուլ11.08.2008 · 10 րոպե ընթերցում

Հեղինակային երգերի հավաքածու №1

Հեղինակային երգերի հավաքածու №1 /ՀՈԴՎԱԾՆԵՐ/ ԵՐԵՎԱՆՈՒՄ ՎԵՐԱԾՆՎՈՒՄ ԵՆ ՀԵՂԻՆԱԿԱՅԻՆ ԵՐԳԻ ԱՎԱՆԴՈՒՅԹՆԵՐԸ. ԹՈՂԱՐԿՎԵԼ Է ՀԵՂԻՆԱԿԱՅԻՆ ԵՐԳԵՐԻ N1 BCLUB CD Երեւանում վերածնունդ է ապրում կիթառի…

Հեղինակ՝ ակումբի խմբագրությունը

Հեղինակային երգերի հավաքածու №1 /ՀՈԴՎԱԾՆԵՐ/

ԵՐԵՎԱՆՈՒՄ ՎԵՐԱԾՆՎՈՒՄ ԵՆ ՀԵՂԻՆԱԿԱՅԻՆ ԵՐԳԻ ԱՎԱՆԴՈՒՅԹՆԵՐԸ. ԹՈՂԱՐԿՎԵԼ Է ՀԵՂԻՆԱԿԱՅԻՆ ԵՐԳԵՐԻ N1 BCLUB CD

Երեւանում վերածնունդ է ապրում կիթառի հնչյունների ներքո երգելու հին ավանդույթը: Հեղինակային երգի սիրահարները, երկար ընդմիջումից հետո, կրկին սկսում են հավաքվել, որպեսզի վերհիշեն հին ու լավ ժամանակները, վերջին նորություններն իրար պատմեն եւ, իհարկե, վայելեն երգերի հաճույքը, որոնց ճակատագիրը դեռ պետք է որոշվի: Այդ մարդիկ հավաքվել ու ստեղծել են իրենց ակումբը, որտեղ կարող են հավաքվել ամեն ուրբաթ օր:

Ամենահաճելին այն է, որ վերականգնվել է հին օրերի մթնոլորտը` մոմեր, թույլ լուսավորություն, փայտե կահույք, ոչ մի ավելորդ բան, որը կարող է շեղել ուշադրությունը: Ինչպես հայտնում է հեղինակ-կատարող Էդվարդ Զորիկյանը, ով այդ բեմում ելույթ է ունեցել.
- Այստեղ եկող եւ ելույթ ունեցող մարդիկ յուրահատուկ են: Եթե այստեղ պատահական մարդիկ են գալիս, ապա նրանք հեռանում են` ասելով. «Գնանք, այստեղ դեռ վերանորոգումն ավարտված չէ: Այս դահլիճում նստածները միայն մեր հանդիսատեսներն են, մեր մտերիմները: Ակումբում բեմ` որպես այդպիսին, չկա, կան նստատեղեր, որտեղ մարդիկ կարող են նստել, կիթառ վերցնել եւ երգել: Իսկ եթե երգել չգիտեն, ապա նրանց նվագակցում են ընկերները: Իսկ ամենագլխավորն այն է, որ ոչ ոք սահմաններ եւ սահմանափակումներ չի դնում, թե ինչ է պետք երգել ու խոսել, այդ պատճառով երգերը հաճախ վերածվում են երկխոսությունների:

Երեկոներից մեկի ժամանակ Վախթանգ Հարությունյանը` ուրբաթօրյա երեկոների կազմակերպիչը, իր հիշողությունները կիսեց մեզ հետ.
- 1991 թ., երբ ոչ լույս կար, ոչ գազ, մենք հավաքվում էինք Ճարտարապետների միությունում եւ երգում էինք: Դահլիճում ջերմաստիճանը 0 աստիճան էր, սակայն մենք ջերմություն էինք զգում: Հետո լույսերը տվեցին եւ մենք հանկարծ մրսեցինք: Նոր գործեր, հոգսեր ի հայտ եկան: Բայց ես շատ ուրախ եմ, որ մենք վերականգնել ենք մեր հին ավանդույթը` երգել կիթառի հնչյունների տակ, եւ ստեղծեցինք մեր ակումբը:
Սակայն ուրբաթ օրը` դեկտեմբերի 25-ը հեղինակային երգերի սիրահարների համար եւս մի բանով նշանավորվեց: Այդ օրը թողարկվեց «Հեղինակային երգերի N1 Bclub CD-ն: Հավաքածուի մեջ ներգրավված է 12 հեղինակ-կատարողների 16 երգ:
-Այն կօգնի նրանց, ովքեր չեն կարողացել այս կամ այն պատճառով ակումբ գալ, կլսեն այդ երգերը տանը: Եվ հավատացեք, որ նույն ջերմությունն է նրանցում, ինչով մենք երգել ենք ակումբում, - ընդգծել է Վախթանգ Հարությունյանը: Հունվարի 15-ից սկսած ամեն ուրբաթ օր հումորով եւ հեղինակի մեկնաբանություններով հեղինակային երգեր կհնչեն ակումբում:

Նոր հավաքածու. 12 կատարող` 16 երգ

Դեկտեմբերի 25-ին Բարդ ակումբում տեղի ունեցավ հեղինակային երգի ձայնասկավառակի շնորհանդես: 16 հեղինակային երգով հանդես է գալիս 11 կատարող` Ռուբեն Հախվերդյան, Վախթանգ Հարությունյան, Էդուարդ Զորիկյան, Արմինե Հայրապետյան, Ռուբեն Բագրատունի եւ այլք։ CD-ի ձայնագրություններն նախաձեռնել է Հեղինակային երաժշտության ակումբը: Երգերը ձայնագրվել են Վախթանգ Հարությունյանի ստուդիայում` 6 ամսվա ընթացքում:

Հեղինակային երգի CD-ի շնորհանդեսին

Հեղինակ-կատարողները ներկայացրին 2009 թվականի իրենց ստեղծագործական ուղին, ամփոփեցին հնգամսյա համերգաշրջանը եւ ներկայացրին 2010-ի ծրագրերը։

“Հուսով եմ, որ բոլոր նրանք, ովքեր իրենց հետ տուն կտանեն այս երգերը, դրանք կդառնան իրենց մասնիկը: Չլսված երգեր են` բացառությամբ մի քանի ճանաչված երգերի”,- ասաց Ռուբեն Բագրատունին:

Հեղինակային երգի հավաքածու N1

Ձայնասկավառակում զետեղված է նաեւ Վախթանգ Հարությունյանի “Ժամանակ” ստեղծագործությունը: Վախթանգն էլ է բարդերի ակումբից, նա մինչ այս երեք ձայնասկավառակ է թողարկել` “Ցնորք”, “Վերադարձ” եւ “Ես ու Ես”:

“Բարդերի ակումբը 6 ամսվա պատմություն ունի: Բայց ակունքները 92 թվից են: 6 ամիս առաջ ունեցանք առաջին համերգը: Ակումբում հավաքվում են նրանք, ովքեր կիսում են մեր տպավորություններն ու մտքերը: Ներկայացնում ենք այն, ինչով ապրում ենք, եւ դա անում ենք շատ անկեղծ”,- նշեց երաժիշտը:

Հեղինակային երգի CD-ի շնորհանդեսին

Ռուբեն Բագրատունին էլ է հեղինակ-կատարող. “Հիմնականում հեղինակային ստեղծագործություններով ենք հանդես գալիս, տարբեր ոճերում: Ես ունեմ եւ ռոք, եւ ժողովրդական ստեղծագործություններ: Իմ ներշնչանքի աղբյուրը Արթուր Մեսչյանի եւ Ռուբեն Հախվերդյանի կատարումներն են: Ի դեպ, ես էլ եմ Հախվերդյան, բայց Ռուբենից տարբերվում եմ ոճով եւ 20 տարվա տարիքային տարբերությամբ: Ստեղծագործությունների հիմքում ընկած է պոեզիան: Յուրաքանչյուր կատարողի մոտ դա յուրահատուկ է եւ գեղեցիկ”:

***

Թողարկվել է «Հեղինակային երգերի հավաքածու №1» ձայնասկավառակը։ Այն «Բարդ» ակումբի վերջին 6 ամիսների ուրբաթ օրերին The Club-ում կազմակերպած հեղինակային երգի երեկոների հանրագումարն է։ Ներառում է 12 հայ հեղինակ-կատարողների 16 գործ ու հենց այս ընդգրկման պատճառով էլ կոչվում է թիվ 1։
Նախագծի հեղինակ, հեղինակ-կատարող Վախթանգ Հարությունյանի խոսքով, մինչ այս ձայնասկվառակ չունեցող հեղինակ կատարողներին №1-ում երկուական գործով ներկայանալու հնարավորություն է տրվել։
Ձայնասկավառակն այսօրվանից վաճառքի է հանված The Club-ում, իսկ նույն այդ ակումբում հեղինակային երեկոները կվերսկսվեն արդեն նոր տարվա հունվարի 15-ից։

Հնարավոր չէ պատկերացնել հեռուստաարտադրանքն առանց ձայնային ձևավորման: Իսկ որակյալ հաղորդումների և ֆիլմերի պատրաստումը պահանջում է համապատասխան մասնագիտացված ձայնագրման ստուդիա` հեռուստա- և ռադիոարտադրանքի պատրաստման համար հնարավորությունների լայն շրջանակ ապահովելու համար: 2004 թ Մետեո-TV հեռուստաընկերությունն հիմնադրեց M_Studio ` ժամանակակից ձայնագրման տեխնիկայով հագեցած և ըստ նորագույն տեխնոլոգիաների Երևանի Ակուստիկ Կենտրոնի կողմից կառուցված տաղավարով, որի հնարավորությունները լիովին համապատասխանում են ժամանակակից հեռուստաընկերության պահանջներին: Այս ամենի շնորհիվ ստւդիան ապահովում է ձայնային ձևավորմամաբ ոչ միայն սեփական արտադրության ծրագրերը, այլև կատարում է զանազան այլ ձայնագրություններ ըստ պատվերի: Այլոց շարքում այստեղ են պատրաստվել հեղինակ-կատարողներ Վախթանգ Հարությունյանի, Արեգ Նազարյանի, Արմինե Հայրապետյանի, Տաթև Աղամիրյանի, Արմեն Մովսիսյանի ձայնասկավառակները, Հեղինակային Երգի Փառատոնին հնչած Լավագույն Տասնյակը` Զրույց անվանված ձայնասկավառակը, ինչպես նաև մի շարք այլ կատարողների ձայնագրություններ:

***

ԿԱՊՎԱԾ ԲԱՐԴԵՐ