Կենսագրություն. Սարգիս և Գագիկ Շիբոյաններ

Հեղինակ կատարող Սարգիս Շիբոյանը ծնվել է 1962 թ-ի հուլիսի 13- ին՝ խեցգետնի համաստեղության ներքո։ Ստեղծագործել սկսել է 1979 — թվականից։

Պատանեկան անկեղծ պոռթկումը դառնում է նրա առաջին «Մարինե» երգը։

[](/uploads/stories/s_g2.png)80-ական թվականներին գրվում են նրա լիրակական երգերը՝ «Սև մարգարիտ», «Կար մի ժամանակ», «Մեղմ երեկոն» և այլն։

Հավատարիմ մնալով հեղինակային երգի ժանրային առանձնահատկություններին՝

Սարգիսը այս ընթացքում՝ հատկապես 87–88 թվականներին գրում է իր

քաղաքական երգերը՝ «Երբ», «Մեր ցուրտ դարում», «Դիմակահանդես», «Թռչնակը վանդակում» և այլն։

88-ին մասնակցում է Եղեգնաձոր քաղաքում կազմակերպված համահայկական

հեղինակային երգի փառատոնին և ճակատագրի բերումով հենց ինքն էլ "Սև

մարգարիտ" երգով բացում է առաջին հեղինակային երգի փառատոնը։ Այնուհետև

Եղեգնաձորյան փառատոնների մշտական և ցանկալի մասնակիցն է դառնում 1992 և

1994 թթ-ին։ Համագործակցել է նաև մանկական երաժշտական հաղորդումների հետ,

գրել է մանկական երգեր։ Հայաստանի հեռուստաընկերության քառասուն ամյակին

նվիրված երեկոյին Սարգիսը ներկայանում է եղբոր՝ Գագիկ Շիբոյանի հետ և ելույթ

ունենում անհատական երգով։ Համերգային ցերեկույթներ են կազմակերպվում մի

շարք դպրոցներում։

2006-թին Սարգիս և Գագիկ Շիբոյանները մասնակցում են «Օվացիա»

պրոդյուսերական կենտրոնի և ՀՀ մշակույթի նախարարության կողմից

կազմակերպված հեղինակային երգի «Ոսկե կիթառ» փառատոնին։ Եվ դա

հանդիսանում է տասնամյա դադարից հետո հեղինակային երգի մեծարման,

ներկայացման մի նոր հնարավորություն։ Այսպես շարունակաբար՝ 2007 և 2008

թվականներին «Ոսկե կիթառ» փառատոնը իր շուրջն է համախմբում

հայաստանյան հեղինակ կատարողներին, այդ թվում՝ Սարգիս և Գագիկ

Շիբոյաններին։

Արդեն մեկ տարի է եղբայրները հայ հանդիսատեսին ներկայանում են ամեն ուրբաթ

«Ակումբ» ժամանցային կենտրոնում կազմակերպված հեղինակային երգի

երեկոներին՝ մի խումբ հեղինակ կատարողների՝ Էդուարդ Զորիկյանի, Վախթանգ

Հարությունյանի, Ռուբեն Բագրատունու, Կարեն Մամիկոնյանի, Արմինե

Հայրապետյանի և այլոց հետ։ Մեկ տարվա համերգների արդյունքում ծնվեց նրանց

համատեղ ձայնասկավառակը՝ «Հեղինակային երգի հավաքածու N1»: