Անվանենք իրերը իրենց անուններով

Dm A7Անվանենք իրերը իրենց անուններով,A7Որ Dmհնչեն մտքերը պարզ ու անխռով,D7 GmԻնչ որ երազում ենք, կատարվի շուտով,Dm A7 DmԱնվանենք իրերը իրենց անուններով:

Բարդ է այս աշխարհը, շուռումուռ տված,Տեղ կա՝ ձախը աջ է, իսկ վերևը՝ ցած,Չխառնենք տեղերը, ամեն ինչ` հերթով,Անվանենք իրերը իրենց անուններով:

Կյանքը մեր դարձել է խաղ-պահմտոցի,Վերածվել է բախտը գիտական փորձի,Չխաղանք շախմատը նարդու քայլերով,Անվանենք իրերը իրենց անուններով:

Այս երկրում բոլորը շատ են զորավոր,Կեսը գեներալ է, կեսը` թագավոր,Տերն ու ծառաները կփոխվեն հերթով,Անվանենք իրերը իրենց անուններով:

Թագավորը նա է, ով չի թաքցնում,Որ սկզբում անում է, հետո մտածում,Եթե խելքդ տեղն է, կգժվես շուտով,Անվանենք իրերը իրենց անուններով:

Էականը դա չէ՝ կուշտ ենք, թե սոված,Մեկ է, մնալու ենք ուրիշից կախված,Մեր փոքրիկ Սևանը չի դառնա մեծ ծով,Անվանենք իրերը իրենց անուններով:

Երբ դառնա երազը կյանք մի էական,Հարցական նշանը՝ բացականչական,Կարոտի վերքերը կբուժվեն սիրով,Անվանենք իրերը իրենց անուններով:

Որ երեխաները չհիվանդանան,Թող դառնա բժիշկը մեզ պես երգահան,Կլցվի աշխարհը քաղցր երգերով,Անվանենք իրերը իրենց անուններով:

Բարդ է այս պիեսը ու հակասական,Մեկը բեմադրիչ է, մեկը՝ դերասան,Որ ներկայացումը չավարտվի շուտով,Անվանենք իրերը իրենց անուններով:

Որ հնչեն խոսքերը պարզ ու բնական,Ու դառնան մտքերը տրամաբանական,Չգցենք մեզ փոսը՝ ոտքը կոտրելով,Անվանենք իրերը իրենց անուններով:

Ողջ ենք, թե մեռած ենք, պարտք ենք մնալու,Մեկ է, փող ուզելը չի վերանալու,Մի յուղեք գլուխս քաղցր խոսքերով,Անվանենք իրերը իրենց անուններով։

Երգը վերջանում է, պարզ է սոսկ մի բան.Մեր ապրած այս կյանքը խաղ է իսկական,Որ այս վատ երազը վերջանա շուտով,Անվանենք իրերը իրենց անուններով,Անվանենք իրերը իրենց անուններով: