Musician · organiserYeghegnadzor

Արմեն Ադամյան

Armen Adamyan

Ադամյան Արմեն Արամի։ Ծնվել է 22 հոկտեմբեր 1952թ. գ. Արենի, Եղեգնաձորի շրջան, մանկավարժների ընտանիքում։

ԺԱՄԱՆԱԿԱԳՐՈՒԹՅՈՒՆ
1970Ավարտել է Եղեգնաձոր քաղաքի թիվ 1 միջնակարգ դպրոցը։
1970–1974Երևանի Վ. Բրյուսովի անվան ռուսաց և օտար լեզուների ինստիտուտի գերմանական բաժին։
1973–1975Մոսկվայի «Ինտուրիստի» բարձրագույն թարգմանչական դպրոց։
1972–2004«Էվրիկա» վոկալ-գործիքային նվագախմբի (1979-ից ՀՀ ժողովրդական կոլեկտիվ) հիմնադիր, գեղարվեստական ղեկավար, կիթառահար և մեներգիչ։
1995–2002Վայոց Ձորի «Արփա» հեռուստաընկերության հիմնադիր տնօրեն և գլխավոր խմբագիր։
1996–2005Վայոց Ձորի մարզային մշակույթի կենտրոնի տնօրեն։

Արմեն Արամի Ադամյանը հայ երգահան, բանաստեղծ, կիթառահար և հեղինակ-կատարող է, Բարդերի ակումբի անդամ։ Ծնվել է 1952 թ. հոկտեմբերի 22-ին Եղեգնաձորի շրջանի Արենի գյուղում (անձնագրում՝ 23 փետրվարի, 1953), մանկավարժների ընտանիքում։ 1970 թ. ավարտել է Եղեգնաձորի № 1 միջնակարգ դպրոցը, 1970–1974 թթ. սովորել Երևանի Բրյուսովի անվան ռուսաց և օտար լեզուների ինստիտուտի գերմաներենի բաժնում, զուգահեռաբար 1973–1975 թթ. ավարտել Մոսկվայի «Ինտուրիստի» բարձրակարգ թարգմանչական դասընթացները։ 1972–1976 թթ. աշխատել է որպես գերմաներենի ուղեկցորդ-թարգմանիչ «Ինտուրիստ»-ում։

«Ծերության մասին լավագույն երգերը գրվում են երիտասարդության տարիներին։»

1972–2004 թթ. եղել է «Էվրիկա» վոկալ-գործիքային անսամբլի հիմնադիրը, գեղարվեստական ղեկավարը, կիթառահարն ու վոկալիստը. 1979 թվանից անսամբլը Հայաստանի հանրապետության ժողովրդական կոլեկտիվ էր։ Հանրային ռադիոյի «Երաժշտական եռանկյունի» հաղորդման մեջ (2022) նա ներկայացվել է որպես խորհրդային շրջանում հանրահայտ «Էվրիկա» խմբի հիմնադիր և Եղեգնաձորի հեղինակային երգի փառատոնի հիմնադիր, որն իրեն համարում է «հին ռոքեր». ուսանողական տարիները համընկել են Երևանի ռոք զարթոնքի հետ, երկար տարիներ ապրել է Մոսկվայում, որտեղ Վլադիմիր Վիսոցկու հարևանն էր, «Էվրիկա»-ի «ոսկե շրջանը» սկսվել է հայրենիք վերադառնալուց հետո՝ հյուրախաղերով ԽՍՀՄ-ում և Արևմուտքում։

Զբաղվել է նաև հասարակական-մշակութային աշխատանքով. 1976–1994 թթ. ղեկավարել է Եղեգնաձորի մշակույթի տան ժողովրդական ստեղծագործության կաբինետը, 1996–2005 թթ.՝ Վայոց ձորի մարզպետարանի զանգվածային միջոցառումների գլխավոր կազմակերպիչ և մարզային մշակույթի կենտրոնի տնօրեն, 1995–2002 թթ. եղել է մարզային «Արպա» հեռուստաընկերության հիմնադիր-տնօրենն ու գլխավոր խմբագիրը։

«Հեղինակային երգի հավաքածու 3»-ում (bardclub.am) ընդգրկված են նրա «Անվանենք իրերը իրենց անուններով», «Գիշերային ավտոբուս», «DEPRESSION», «Երգ երգի մասին», «Համեցեք «Բարդերի ակումբ»», «Ճամփորդական», «Մի՛ կոտրեք», «Ուշացած հանդիպում» երգերը։

Գործունեություն

Հիմնական աշխատանքին զուգահեռ՝ հանդիսավար, համերգավար-հաղորդավար, գործիքավորող, երաժշտական և այլ ուսումնական հաստատությունների էստրադային գործիքների բաժինների պարապող-մասնագետ, հեռուստաօպերատոր, սցենարավորող, բեմադրիչ։

Երգերն ակորդներով

8 ԱՐՏԱԳՐՎԱԾ
Տողեր· 8 երգ

Համերգներ և միջոցառումներ

Տողեր· 8 միջոցառում

Տեսադարան

Հիշատակվում է նյութերում

Տողեր· 18 գրառումներ

Նյութեր

Ծերության մասին լավագույն երգերը գրվում են երիտասարդության տարիներին։
Գրքի էջ: 17

Հանդես է եկել նաև

Արխիվային սկաներ