«Գիշեր է գիշեր»-ի «անվերջանալի պատմություն»-ը

AAD.am, 23.10.2012

Երեկ Տիկնիկային թատրոնում մթնոլորտը մի փոքր այլ էր։ Հավաքվել էին ոչ թե խենթ մանուկները, այլ խենթ ու կրակ բարդերները։

Հեղինակ կատարող Վախթանգ Հարությունյանի «Գիշեր է գիշեր» ձայնասկավառակի շնորհանդեսն էր, ինչպես նաև «Անվերջանալի պատմություն» խորագրով հեղինակային երգի երեկո՝ Արեգ Նազարյանի, Արմինե Հայրապետյանի, Վախթանգ Հարությունյանի մասնակցությամբ։

Հեղինակ կատարողներն այս խորագիրն էին ընտրել, քանի որ նրանց պատմությունը չի ավարտվում և իննսունական թվականներից սկսած բազմաթիվ համերգներ են միասին ունեցել, նաև հույս են հայտնում, որ սիրված ավանդույթը դեռ երկար կշարունակվի։
Երեկոն հագեցած էր արվեստասեր հասարակության ջերմ ընկերակցությամբ և հանդիսատեսի անդադար ծափողջույններով։

Համերգի վերջում Վախթանգ Հարությունյանը ներկայացրեց իր վերջին երգը՝ «Երևի մի օր»։