19:54 . 20/12
yerkirmedia.am

"Ավանգարդ-ֆոլք" ակումբում օրերս կայացավ հեղինակային երգիչներ Վախթանգ Հարությունյանի ու Արմինե Հայրապետյանի նոր ձայնասկավառակների շնորհանդեսը: Վախթանգը ներկայանում էր "Я живу как живу" ալբոմով, իսկ Արմինեն` "Բարեւով"։

Համերգի ավարտին հանդիսատեսը շատ դիպուկ բնորոշեց ներկայացված ստեղծագործությունները։ Երկու կերպար էին. տղամարդն՝ իր խորը փիլիսոփայական խոհերով, կինը՝ զգայական, հուզական ու նուրբ ապրումներով։ Իսկ նրանց միաձուլում էր մեկ ընդհանուր գիծ, որ այս ժանրի ստեղծագործությունների համար, թերեւս, անխուսափելի է՝ անկեղծ ապրումը։

"Ամեն ուրբաթ ավելի կամերային մթնոլորտում հեղինակայն երգը հնչում է ակումբում։ Հավաքվում ենք, ու կայանում է մեր երկխոսությունը մարդկանց հետ, ովքեր նույն կերպ են ապրում, մտածում, ովքեր անկեղծ ու ազատ շփման կարիք ունեն։ Ուզում էինք, որ նույն մթնոլորտը պահպանվի նաեւ այստեղ։ Հիմա կարող եմ ասել՝ կարծես ստացվեց",- ասաց Վախթանգ Հարությունյանը։