Կենսագրություն. Մհեր Մանուկյան

Մհեր Մանուկյանը հայ երգիչ, երգահան, կիթառահար և հեղինակ-կատարող է, Վանաձորի «Լավ էլի» (Lav Eli) ռոք-խմբի համահիմնադիրն ու վոկալիստը (վոկալ, առաջատար/ռիթմ կիթառ, շրթհարմոն)։

«Դբա լավը…»

«Լավ էլի» անվան տակ խումբը հանդես է գալիս 1996 թվականից. այն հիմնել են Մհեր Մանուկյանն ու Գոռ Մխիթարյանը, որոնք մինչ այդ միասին նվագել էին «Սնեք» (SNACK) խմբում. «Լավ էլի»-ին նախորդել են «Ստվերներ», «Գեյմ» և «Սնեք» անվանումներով խմբերը։ 1997 թ. թողարկվել է առաջին՝ «Առաջին ԼԱՎ ալբոմ» ձայներիզը (21 երգ՝ 11-ը հայերեն, 10-ը անգլերեն)։ 1999 թ. ձայնագրված «Էսսեներ» ալբոմի երգերը («Քո աչքերը», «Ճամփորդական երգ», «Գտա քեզ երկնքում») ռադիոհեռարձակումից հետո դարձել են հիթեր և հայտնի են դարձրել խմբը ամբողջ Հայաստանում։ Հետագա ալբոմներից են «Notes from Vanadzor: Urban Armenian Rock» (2006) և «Անձրևաշուն» (2018)։ Խումբը վերամիավորվել է 2011 թ. (Մանուկյան և Մխիթարյան՝ կիթառ/վոկալ), 2015 թ. նշել է 20-ամյակը հատուկ համերգներով, իսկ 2022 թ. հանդես եկել ԱՄՆ Արևելյան ափի քաղաքներում։

Որպես հեղինակ-կատարող՝ Մհեր Մանուկյանը հանդես է գալիս նաև անհատական երգացանկով. մամուլում անվանվել է «բոլոր շարժումների երգիչ» (CivilNet)։ Նրա հայտնի երգերից են «Սկիզբը», «Աշուն», «Աղջիկները չունեն խե՞լք», «Գարուն է եկել»։

Բարդերի ակումբի (bardclub.am) «Հեղինակային երգի հավաքածու 3»-ում ներկայացված են նրա «Գարուն է եկել», «Գտա քեզ երկնքում», «Ճամփորդական երգ» և «Քո աչքերը» երգերը, իսկ ակումբի ակորդների բաժնում տեղադրված են «Աշուն» երգի («Լավ էլի») ակորդները։