Վերջերս թարմացվել են
- Սրբուհի Սիմոնյանն ու Արևիկ Կարապետյան՝ Կենտրոնի առավոտը, 27.04.2022
- Հուլիսի 17-ին մեկնարկում է Հուսո առագաստ 2023 առցանց փառատոնը
- Ամենալավ պարգևը սերն է․ Վախթանգ Հարությունյան
- «Ճեղքվող լռություն» համերգի անդրադարձը
- Հեղինակային երգը երաժշտությամբ փաթեթավորված պոեզիա է. armenpress.am
- Առաջինի հյուրն է Վախթանգ Հարությունյանը
- «Ստվերները հաճախ ամենահարազատն են»
- bac tv. էդուարդ Զորիկյանը Համլետ Ղուշչյանի հյուրն է
Կենսագրություն. Լիլիթ Սարգսյան
Թարգմանիչ, զբոսաշրջիկ և զբոսավար, երգասաց, խմբավար
Լիլիթի երաժշտական կրթությունը սկսվել է նախ և առաջ տանը: Դեռ օրորոցում լսելով թե հայ և թե Եվրոպական դասականներ, ինչպես նաև Էլլա Ֆիդջերալդ, Սթիվի Վոնդեր, Ազնավուր և այլն, սկսել է ձևավորվել նրա ճաշակը: Տանը կազմակերպվող հաճախակի երեկույթներին հնչում էին բազմաթիվ ազգային և հեղինակային երգեր, և արդեն 70-ականների վերջում այդ երեկույթներին լսվեց Բուլատ Օկուջավան հայերեն` Ռաֆաել Պապայանի հմուտ թարգմանությամբ և կատարմամբ:
Հաջորդ երգի դպրոցը /ինչպես ինքն է անվանում/ իր մորաքույրն էր` Ժաննա Տալյանը: Նա կիթառով կատարում էր տարբեր հեղինակային երգեր և տասնամյա Լիլիթին, որպես երկրորդ ձայն, իր հետ տանում ելույթներին ու համերգներին: Ի դեպ հենց նրա պնդումներով են ծնվել Լիլիթի հեղինակային երգերի մեծ մասը: Լիլիթի առաջին երգը գրել է 8 տարեկանում:
:Հիմնական երաժշտական դպրոցը եղավ Հայ Առաքելական Սուրբ Եկեղեցին: Ս. Պատարագներ երգելով նախ Լոնդոնում /1993-1994թթ./, ապա Էջմիածնում, Երևանում, Չարենցավանում և ի վերջո Ջրվեժում: Այստեղ հոգևոր հովիվ` Տ. Կյուրեղ քահանա Տալյանի օրոք նշանակվեց եկեղեցու ՙՍաղմոս՚ երգչախմբի ղեկավար, ուր և ծառայում է 1997թ.-ց սկսած:
Այժմ անձնականից դեպի պաշտոնական.
Ծնվել է 25-ին դեկտեմբերի, 1975թ. Երևանում:
1982-1992թթ. սովորել է N.114 միջնակարգ դպրոցում, երբ դասերին կիթառի առկայության դեպքում շատ դասաժամեր վերածվում էին երգի երեկոյի:
1987-1992թթ. սովորել է տարբեր երաժշտական սրահներում մի քանի ուսուցիչների մոտ, սակայն վերջում գերազանց ավարտել է Սայաթ Նովա երաժշտական դպրոցի Էդուարդ Բադալյանի դասական կիթառի դասարանը: 1993թթ. անհատական դասեր է ստացել Լոնդոնում`Գիլբերտ Բիբերյանից:
1990-1992թթ. դարձել է Երևանի առաջին կիրակնօրյա դպրոցի շրջանավարտներից մեկը, և 1992-2003թթ. նույն դպրոցում դասավանդել է:
1992-1997թթ. սովորել է Երևանի օտար լեզուների ինստիտուտում դառնալով անգլերեն և երկրագիտություն ֆակուլտետի առաջին շրջանավարտներից:
1993-1997թթ. երգել է տարբեր երգչախմբերում:
1997թ. ցայսօր Ջրվեժի Ս. Կաթողիկե եկեղեցու ՙՍաղմող՚ երգչախմբի ղեկավար: Սիրողական այս երգչախումբը բացի եկեղեցու արարողություններ երգելուց տալիս է նաև բազմաթիվ համերգներ: Մասնակցել է միջազգային փառատոոնների, շահել է առաջին մրցանակներ Լեհաստանում /2002թ./, Բելոռուսիայում/2009թ./, հյուրախաղերով հանդես է եկել Գերմանիայում /2005թ,/:
1989թ. որպես հեղինակ կատարող Մոսկվայում առաջին անգամ մասնակցել է միջազգային փառատոնի:
2009թ. բազում տեղեր աշխատելուց հետո հիմնեց ՙԱՐԱՀԵՏ Թրավլ՚ զբոսաշրջային ընկերությունը, որն իր հերթին նույնպես նպաստում է հայ հոգևոր, ազգային և հեղինակային երգարվեստին` ձայնագրություններ տարածելով և համերգներ կազմակերպելով:
Ձայներիզներ.
1987թ. ՙԺաննա և Լիլիթ՚ ձայներիզ
1989թ. Հեղինակային երգերի ձայներիզ /երեք կատարող/
Ձայնասկավառակներ.
2001թ. ՙԱռաւօտ լուսոյ՚ հայ հոգևոր երգեր, Սաղմող երգճախումբ
2003թ. ՙընդ‘Անի’ք՚ հեղինակային երգի ալբոմ, Լիլիթ և ընտանիք
2005թ. տեսաձայնասկավառակ /DVD/ ՙՀամերգ Հանովերում՚, Սաղմոս երգչախումբ
2008թ. ՙՀայ ժողովրդական երգեր՚, Սաղմոս երգչախումբ
2009թ. ՙԲուլատ Օկուջավա հայերեն կատարումներ՚