Վերջերս թարմացվել են

Բարդեր Տաթև Խաչատրյան Կենսագրություն. Տաթև Խաչատրյան

Կենսագրություն. Տաթև Խաչատրյան

 

Տաթև Խաչատրյան Թադևոսի

Այսպես շուրթեր, թերթեր ծաղկի. Այսպես աչքեր, խորունկ լճեր....
Դու որտեղից եկար, մանկի'կ. Ինչ հեքիաթից ես դու իջել...
1990թ. Փետրվարի 17... Ակնհայտորեն տարբերվում էր օրը ծնողներիս համար փետրվարյան ցուրտ ու գորշ օրերից... Ծնվեցի...


Պատահական չէր, որ տարեցույցով տարին համընկավ Ձի կենդանակերպի հետ, ամիսն էլ` Ջրհոս: Թեպետ մանկությունս անցել է էլեկտրական հոսանքի բացակայության պայմաններում, ես բնավ դա չեմ զգացել,  որովհետև մայրս բացառիկ ջերմությամբ ու լույսով էր ողողում մութ երեկոներն ու գիշերները... հեքիաթների հերոսները անվերջ պտտվում էին իմ ու քույրիկիս շուրջ, և մենք երկուսս էլ դառնում էինք "Ալիսաներ" Հրաշքների աշխարհում...
Զարմանալի է, որ գիշերվա եթերային տրամադրությունը առավոտյան փոխվում էր, և Ալիսան վերածվում էր խրոխտ ու անվախ ֆիդայու… Փոքրիկ աղջիկը երազում էր ֆիդայի լինել… Հայրս հաճախ էր պատմում ազատագրական պայքարների մասին` մեջս սերմանելով կորցրած դրախտային  հողերը ետ բերելու անհագուրդ ցանկություն…

 

1996թ սեպտեմբերի մեկին թիվ 142 միջն. դպրոցը իր դռներն բացեց նաև իմ առջև… Զանգը ղողանջեց… սակայն ավելի հատկանշական էր ինձ համար հաջորդ տարի 1997թ երաժշտական դպրոցի դաշնամուրի բաժին ընդունվելս: Ուսումնառությանս տարիները հետաքրքիր ու արկածներով լի էին: Չնայած չարաճճի ու աշխույժ խառնվածքիս` 10 տարիներն էլ գերազանց եմ սովորել…
Երաժշտության հանդեպ սերը արթնացրել է մայրս. հաճախ էր նա դաշնամուր նվագում, երբ խաղալիքները հոգնեցնում էին մեզ: Պապիկիս և իմ խաղային մենամարտերը  միշտ եզրափակվում էին իմ ելույթներով` անկախ նրանից թե ով էր պարտվողը:

2006թ-ին ընդունվեցի  Հայաստանի Պետական Տնտեսագիտական Համալսարանի Կառավարման ֆակուլտետի Տեսական Տնտեսագիտություն բաժինը, որն այս տարի կավարտեմ` հուսամ կրկին գերազանց առաջադիմությամբ: Այժմ պատրաստվում եմ նոր ընդունելության քննությունների արտասահմանյան համալսարան` մասնագիտությունս ավելի խորն ուսումանսիրելու և ազգիս ավելի պիտանի մարդ դառնալու համար… Չեմ ուզում հերթական պարապության մատնված  քաղաքացին լինել երկրիս համար…
Այս ողջ ընթացքում երաժշտության կախարդական աշխարհը մի մեծ մագնիսի պես ձգում էր ինձ … 2009թ-ին առաջին անգամ կիթառը ձեռքս վերցրեցի… Կարծում եմ Կոլումբոսն էլ նմանատիպ զգացողություն է ունեցել Ամերիկան հայտնաբերելիս, քանի որ մի նոր աշխարհ էր դա ինձ համար…
Առաջին երգս "Ձյունն" էր, որի մի փոքրիկ հատվածը կար դեռ վաղուց /գրել էինք մայրիկիս հետ հերթական դաշնամուրային երեկոյի ընթացքում/:
Կիթառը հայտնվեց իմ կյանքում հենց այն ժամանակ, երբ բոլորովին միայնակ էի ինձ զգում, երբ կարծես ոչ ոք չէր կարող ինձ հասկանալ...
Հեղինակային երգը միշտ հոգեհարազատ է ինձ եղել, բայց նորովի ընկալեցի այն միայն Ռուբեն Բագրատունու շնորհիվ: Հիրավի նա ինձ օգնեց ևս մեկ անգամ ծնվել. այս անգամ հեռու ու լուսավոր մեկ այլ աշխարհում, ուր այնքան ջերմ ու սրտաբաց սպասում էին ինձ  Ռուբենի պես կախարդված մարդիկ…
Ծնվեցին երգեր, որոնց միջոցով կարողացա երկար ժամանակ հոգուս ամրոցում կողպած զգացմունքներս դուրս հանել և կիսել մարդկանց հետ... "Դու չկաս իմ երգերում", "Գիշեր", "Սկավառակ", "Թիթեռ", "Ստվեր", "Նոր Տարի"... հուսով եմ շարունակելի:
Երազներս նվիրում եմ ամենքին…

AddThis Social Bookmark Button
 
Կայքում են
We have 62 guests online

Մամուլը մեր մասին
Վարդան Գալստյանը՝ Բարև երկիր հաղորդման հյուր

Վարդան Գալստյանը՝ Երկիր Մեդիա  հեռուստաընկերության "Բարև, Երկիր" հաղորդման հյուր

 
Արմեն Ադամյանը՝ ATV Առաջին ծրագրի առավոտյան ծրագրի հյուր

Արմեն Ադամյանը՝ Առաջին ծրագրի առավոտյան ծրագրի հյուր, 26․06․2019

 
Bac tv. Արմինե Հայրապետյան

Bac tv. Արմինե Հայրապետյան․ Հեղինակային երգը իրոք պոեզիա է․․․

 
Առավոտը Շանթում` Հուսո Առագաստ 2019-ի մասին

Ռուբեն Քամալյանը հյուրընկալվել է Առավոտը՝ Շանթում ծրագրին
17.06.2019

 
bac tv. էդուարդ Զորիկյանը Համլետ Ղուշչյանի հյուրն է

Bac tv. էդուարդ Զորիկյան․ Հեղինակային երգը իմ առաջին սերն է․․․
8․06․2019

 
Առաջինի հյուրն է Վախթանգ Հարությունյանը

"Հուսո առագաստ-2018". նախապատրաստական աշխատանքները լուսաբանում է Առաջին ալիքը
22.06.2018

 
Ամենալավ պարգևը սերն է․ Վախթանգ Հարությունյան

journalist.am, 26/03/2018

 

 
«Ստվերները հաճախ ամենահարազատն են»

bravo.am-ը լուսաբանում է․
Վախթանգ Հարությունյան, 2․03․2018

 

 
Հեղինակային երգը երաժշտությամբ փաթեթավորված պոեզիա է. armenpress.am
Արմենպրես
22 Հունվար, 2018
 
«Ճեղքվող լռություն» համերգի անդրադարձը

Սիրով ներկայացնում ենք Բոհեմ համույթի՝ Վրաստանում կայացած համերգի անդրադարձը,

 
Աջակից

Place Your ad here!