Հուսո առագաստ Հուսո առագաստ 2024 Մեկնարկել է «Հուսո առագաստ 2024» հեղինակային երգի միջազգային փառատոնը։

Մեկնարկել է «Հուսո առագաստ 2024» հեղինակային երգի միջազգային փառատոնը։

BardFest2024

https://www.facebook.com/BardFestArmenia

Հարգելի այցելու,

Ուրախ ենք հայտնել, որ մեկնարկել է «Հուսո առագաստ 2024» հեղինակային երգի միջազգային փառատոնի նախընտրական փուլը։

Մրցույթին կարող եք մասնակցել ինչպես ձեր հեղինակած երգերի կատարումներով, այնպես էլ որևէ այլ հեղինակի ստեղծագործության սեփական մեկնաբանությամբ։

 

Նախնական ընտրությունն անցած հայտատուները կմասնակցեն ընտրական փուլի եզրափակիչ համերգային ծրագրին, որը կկայանա հունիսի 28-ին, «Մետրո» թատրոնում։

Համերգի ընթացքում ժյուրիի անդամները կընտրեն լավագույններին, որոնք և հնարավորություն կստանան մասնակցել հուլիսի 19-ից 21-ը Սևանի ափի «Wish Up» հանգստյան գոտում կայանալիք եռօրյա փառատոնին։ Մասնակիցների կացության և սննդի ծախսերը կապահովվեն փառատոնի կողմից։

Հայտերի ընդունման վերջնաժամկետն է հունիսի 20-ը։

 

«ՀՈՒՍՈ ԱՌԱԳԱՍՏ-2024» ՓԱՌԱՏՈՆԻ ՆԱԽԸՆՏՐԱԿԱՆ ՓՈՒԼԻ ԿԱՆՈՆՆԵՐԸ

Մրցույթն անց է կացվում 2️ անվանակարգով՝

ԼԱՎԱԳՈՒՅՆ ՀԵՂԻՆԱԿ-ԿԱՏԱՐՈՂ․ Այս անվանակարգում կարող եք մասնակցել, եթե կատարում եք ձեր հեղինակած երգերը` հայերեն լեզվով, կիթառի սեփական նվագակցությամբ։

ԼԱՎԱԳՈՒՅՆ ԿԱՏԱՐՈՂ․ Այս անվանակարգում կարող եք մասնակցել՝ կատարելով այլ հայ հեղինակների ստեղծագործություններ (կամ այլ հայ հեղինակների երաժշտությամբ կամ բառերով գրված ստեղծագործություններ)՝ հայերեն լեզվով, կիթառի սեփական նվագակցությամբ։

 

Ընտրական փուլին մասնակցելու համար պետք է․

- լրացնել մրցույթին մասնակցելու հայտադիմումը հետևյալ հղումով՝ https://forms.gle/oLoTEaKvdTiJ8UBc7

- ուղարկել նամակ This e-mail address is being protected from spambots. You need JavaScript enabled to view it հասցեին՝ կցելով․

*մրցութային երգի հոլովակը (տեսաձայնագրություն կենդանի կատարմամբ, կիթառի սեփական նվագակցությամբ, առանց գործիքավորման),

* մրցութային երգի վերնագրված տեքստը, եթե հեղինակը դուք եք։

 

Ժյուրիի նախագահ՝ Էդուարդ Զորիկյան

Ժյուրիի անդամներ՝ Արմինե Հայրապետյան, Ռուբեն Քամալյան

 

Լրացուցիչ տեղեկությունների համար կարող եք․

- գրել BardFestArmenia ֆեյսբուքյան էջին կամ This e-mail address is being protected from spambots. You need JavaScript enabled to view it էլ․ հասցեին, կամ

- զանգահարել 099 94 2022 հեռախոսահամարով։