Արմինե Հայրապետյան. Կուզեի, որ մեր կանայք հասկացված ու գնահատված լինեին

5.03.2014

gsplay.ru

Այսօր զրուցեցինք հեղինակային կատարող Արմինե Հայրապետյանի հետ: Երգչուհին նշեց, որ այսօր առաջինը շնորհավորեցին առավոտյան բալիկները, իրենց ձեռքով պատրաստած փոքրիկ նվերներով:

Նա նշեց, որ այս տարիների ընթացքում կնոջ իդեալ իր համար եղել մայրը. «Կնոջ մեծագույն իդեալն ինձ համար միշտ էլ մայրս է եղել: Փորձել եմ հասկանալ նրա իմաստնության և համբերատարության գաղտնիքը, ու վերջապես կարծես հասկացել եմ՝ դա անսահման սերն է»:
Նաև խոսեցինք կնոջ դերի և տեղի մասին. «Այսօր գրեթե ամեն ինչ կորցրել է իր տեղը, սակայն դա արդարացում չպետք է լինի հասկանալու համար, որ կինը պիտի բոլոր առումներով խաղաղության աղավնին լինի, սեր և լույս տարածողը»:

Վերջում շնորհավորեց բոլոր կանանց. « կուզեի, որ մեր կանայք հասկացված ու գնահատված լինեին, և ամենակարևորը’ սիրված ու սպասված»:

Հեղինակ՝ Արմեն Ալեքսանյան