1.
C..........................................A
Երբ ծաղկում են ծառերը ու բերում են գարուն,
Gm................................A................Dm
Արթնանում է քո սերը ու մտնում է թաքուն
F......................................Fm..........C   
Կիսամութ քո սենյակը, ուր տխուր սեղանին
D...................................G
Սևագրերդ մենակ են ու խաղում է քամին:

2.
Երբ գալիս է գարունը կանաչով անհամբեր,
Արշալույսը պատռում են կարոտած երամներ,
Ողջ երկինքը լցվում է ձայներով բյուրավոր,
Դու թաքուն արտասվում ես, քեզ զգում մեղավոր:

3.
Երբ գարնան փողոցները խենթերով են լցվում,
Ու նրանց հայացքները իրարու են փնտրում,
Երբ նրանց գիժ ձեռքերը կարոտում են նորից,
Կախարդված այն թևերը մանկության երազից:

4.
Որ թռնեն բիլ երկինքը ու տեսնեն վերևից,
Սա նրանց հայրենիքն է` հորիզոնը անբիծ,
Որ հասնեն մինչ աստղերը, հետո վերադառնան,
Ուր որ նրանց սերերը կսպասեն անպայման:

5.
Ուր կանաչ քամիները սարերից են իջնում,
Հիշեցնում են երգերը, որ նորից են հնչում,
Ու հոսում են երգերը, ու դառնում բալասան,
Լուսավոր է գիշերը, մինչ նրանք հեռանան,
Մինչ նրանց զիլ ձայները չքանան մշուշում,
Խլանան վեց լարերը, ու մինչ գա նոր աշուն,
Մինչ դեռ սիրտը երգում է ու թեկուզ անհամբեր,
Հավատում ու սպասում է, որ կգան դեռ օրեր…

Երբ ծաղկում են ծառերը…