Հուսո առագաստ Հուսո առագաստ 2015 Սևանում և Դիլիջանում առաջին անգամ կանցկացվի «Հուսո առագաստ-2015» հեղինակային երգի փառատոն

Սևանում և Դիլիջանում առաջին անգամ կանցկացվի «Հուսո առագաստ-2015» հեղինակային երգի փառատոն

 


 

25.07.2015

news-book.am

Սևանում և Դիլիջանում երկու փուլով առաջին անգամ կանցկացվի «Հուսո առագաստ» հեղինակային երգի փառատոնը, որը բեմահարթակ կտրամադրի դեռևս անհայտ հեղինակային երգի կատարողներին: Այս մասին լրագրողների հետ հանդիպմանն ասաց «Հուսո առագաստ-2015» փառատոնի տնօրեն, երգահան Վախթանգ Հարությունյանը:

«Բավականին երկար ժամանակ է` ավելի քան 7 տարի, որ մենք փառատոնային հանդիպում չենք ունեցել: Հուսով ենք՝ կընդգրկենք մեր երիտասարդ ընկերներին: Փորձը ցույց է տալիս, որ ամեն փառատոնից 3-5 հոգի համալրում է մեր բանակը»,- ասաց Հարությունյանը:

Նրա խոսքով, Դիլիջանում գալա-համերգ կանցկացվի, մրցանակների հանձնում: Փառատոնին մասնակցելու համար հենց մինչև հուլիսի 31-ը ցանկացողները կարող են հայտեր ուղարկել: «Այն ներկայանալու հնարավորություն չունեցող երիտասարդներին հարթակ է տրամադրում: Լավագույն տասնյակի երգերը կձայնագրենք Կոմպոզիտորների միության ստուդիայում, իսկ Բարդերի ակումբն էլ հնարավորութուն կունենա ձայնասկավառակներով տարածել»,- հավելեց Վախթանգ Հարությունյանը:

Փառատոնի առաջին փուլն անցկացվելու է հուլիսի 31-ից օգոստոսի 2-ը՝ Սևանում՝ Wishup լողափում: Երկրորդ և հիմնական փուլը կանցկացվի օգոստոսի 26-28-ը՝ Դիլիջանի կոմպոզիտորների միության հանգստյան տանը:

Փառատոնի գեղարվեստական ղեկավար, հեղինակ-կատարող Էդվարդ Զորիկյանն ասաց, որ կընտրվեն այն երգերը, որոնք հենց այս երգաոճի մեջ կլինեն, իսկ այս երգաոճին բնորոշ է կիթառն ու բանաստեղծական արժեքը:

«Վերջին` գալա համերգի հասույթն ուղղվելու է Դիլիջանում երաժշտական դպրոցի կիթառային դասարանի ձևավորմանը: Փորձելու ենք մեկ տարի հովանավորել, որ այդ դասարանն աշխատի»,- նշեց Հարությունյանը և անդրադառնալով փառատոնի խորագրին` ասաց, որ «Հուսո առագաստ»-ի թեման բավականին հարազատ է բոլորին. «Այս երգը, որպես հիմն, հնչում է մեր բոլոր համերգներին. շատ անկեղծ երգ է: Թե´ հույսի, թե´ առագաստի մեջ մեծ խորհուրդ կա, և փորձելու ենք երգի հիմնական խորհուրդը նաև փառատոնի ձևով ներկայացնել»,- նկատեց նա:

AddThis Social Bookmark Button
 
Կայքում են
We have 113 guests online

Մամուլը մեր մասին
Վարդան Գալստյանը՝ Բարև երկիր հաղորդման հյուր

Վարդան Գալստյանը՝ Երկիր Մեդիա  հեռուստաընկերության "Բարև, Երկիր" հաղորդման հյուր

 
Արմեն Ադամյանը՝ ATV Առաջին ծրագրի առավոտյան ծրագրի հյուր

Արմեն Ադամյանը՝ Առաջին ծրագրի առավոտյան ծրագրի հյուր, 26․06․2019

 
Bac tv. Արմինե Հայրապետյան

Bac tv. Արմինե Հայրապետյան․ Հեղինակային երգը իրոք պոեզիա է․․․

 
Առավոտը Շանթում` Հուսո Առագաստ 2019-ի մասին

Ռուբեն Քամալյանը հյուրընկալվել է Առավոտը՝ Շանթում ծրագրին
17.06.2019

 
bac tv. էդուարդ Զորիկյանը Համլետ Ղուշչյանի հյուրն է

Bac tv. էդուարդ Զորիկյան․ Հեղինակային երգը իմ առաջին սերն է․․․
8․06․2019

 
Առաջինի հյուրն է Վախթանգ Հարությունյանը

"Հուսո առագաստ-2018". նախապատրաստական աշխատանքները լուսաբանում է Առաջին ալիքը
22.06.2018

 
Ամենալավ պարգևը սերն է․ Վախթանգ Հարությունյան

journalist.am, 26/03/2018

 

 
«Ստվերները հաճախ ամենահարազատն են»

bravo.am-ը լուսաբանում է․
Վախթանգ Հարությունյան, 2․03․2018

 

 
Հեղինակային երգը երաժշտությամբ փաթեթավորված պոեզիա է. armenpress.am
Արմենպրես
22 Հունվար, 2018
 
«Ճեղքվող լռություն» համերգի անդրադարձը

Սիրով ներկայացնում ենք Բոհեմ համույթի՝ Վրաստանում կայացած համերգի անդրադարձը,

 
Աջակից

Place Your ad here!