Ներկայացնում ենք Ձեր ուշադրությանը Հանրային հեռուստաընկերության պատրաստած նյութը

Դիլիջանում տեղի է ունեցել «Հուսո առագաստ-2015» փառատոնի գալա համերգը

Այս տարի հեղինակային երգի համահայկական մրցույթ-փառատոնի բոլոր փուլերն էլ տեղի են ունեցել հանրապետության տարբեր մարզերում: Փառատոնի եզրափակիչ համերգը կազմակերպվել էր Դիլիջանի կոմպոզիտորների ստեղծագործական տան Բեթհովենի անվան համերգասրահում:

Մրցութային առաջին փուլը անցկացվել է Սեւանում: Կազմակերպիչների խոսքով՝ սա կարեւոր քայլ է մարզերում մշակութային աշխուժություն ապահովելու, նաեւ երիտասարդների շրջանում մշակույթի նկատմամբ հետարքրքություն առաջացնելու առումով:

Հայաստանի կոմպոզիտորների միության եւ «Բարդերի ակումբի» նախաձեռնությամբ կազմակերպված փառատոնին մասնակցել են ստեղծագործողներ մարզերից եւ Արցախից: