Վերջերս թարմացվել են
- Անցուդարձ
- Համեցեք ընտրական փուլի համերգին, 30.06.3023
- Հուլիսի 17-ին մեկնարկում է Հուսո առագաստ 2023 առցանց փառատոնը
- Սրբուհի Սիմոնյանն ու Արևիկ Կարապետյան՝ Կենտրոնի առավոտը, 27.04.2022
- Ամենալավ պարգևը սերն է․ Վախթանգ Հարությունյան
- «Ճեղքվող լռություն» համերգի անդրադարձը
- Հեղինակային երգը երաժշտությամբ փաթեթավորված պոեզիա է. armenpress.am
- Առաջինի հյուրն է Վախթանգ Հարությունյանը
Mamul.am: Բարդերի համերգը կայացավ
18.09.2014
Գեղեցիկ երեկո էր․․․ Բեմից ջերմությունն ու բարությունը կիթառի հնչյունների հետ ծորու՜մ էր դահլիճ՝ գրկում ու շոյում յուրաքանչյուր ունկնդրի հոգին ու պարուրում մեղմ ջերմության հոսանքով՝ նվիրելով սիրո գունավոր անուրջներ․․․ Երբեն էլ, կախված երգի բնույթից, թևեր էր տալիս հանդիսատեսին, պայքարի կանչում․․․ Կանչու՜մ կարկաչուն ծիծաղով կատակ երգերի․․․
Սեպտեմբերի 6-ին Տիկնիկային թատրոնում բարին էլ ավելի մեծ ու հզոր իշխան էր: Այդ օրը մարդկանց համախմբել էր բարին, բարի գործ կատարելու ձգտումն ու փոքրիկին առողջ կյանք նվիրելու մեծ ցանկությունը:
Սեպտեմբերի 6-ին, Հովհ․ Թումանյանի անվան Երևանի պետական տիկնիկային թատրոնում տեղի ունեցավ ‹‹ ‹‹Բարդերն›› ընդդեմ բարդ հիվանդությունների›› խորագրով բարեգործական համերգ-միջոցառումը: Համերգը սկսվեց Վահան Արծրունու խորիմաստ երգերով, շարունակվեց Վախթանգ Հարությունյանի, Կարեն Մամիկոնյանի, Վահե Քոչարի, Քրիստ Մանարյանի, Ռուբեն Քամալյանի, Վարդան Գալստյանի, Սարգիս և Գագիկ Շիբոյաննների տարբերվող, սիրով ու կատակներով և հետաքրքիր ենթատեքստերով առատ երգերով, Արմինե Հայրապետյանի մայրական քնքշանքով ու բարությամբ լի երգերով, իսկ Էդուարդ Զորիկյանի ‹‹Հուսո առագաստը›› համախմբեց, հույսի մի շող նվիրեց ու բարի ճանապարհ մաղթեց ունկնդրին:
Համերգի արդյունքում հավաքվեց 854․000 ՀՀ դրամ, որն ամբողջությամբ փոխանցվել է Ղշյան Սերյոժայի բուժմանը: Սերյոժաին լիարժեք ապաքինման համար շտապ անհրաժեշտ է պրոտոնային ճառագայթում, ինչը հնարավոր է իրականացնել Գերմանիայում և արժե 39․000 եվրո: Բուժումն անցկացնելու համար պակասում է 15․000 եվրո: Բոլոր նրանք, ովքեր կցանկան օգնել Սերյոժային, կարող են իրենց ներդրումը կատարել ԱԿԲԱ-ԿՐԵԴԻՏ ԱԳՐԻԿՈԼ բանկում նրա համար բացված հաշվեհամարներին՝
220181850300000՝ ՀՀ դրամ
220181850029002՝ եվրո
220292060427001՝ դոլլար
ստացող՝ Հերմինե Մնեյան /երեխայի մայրը/: