Վերջերս թարմացվել են

Panarmenian.net

PanARMENIAN.Net

Երաժշտական ալբոմի շնորհանդես The Club-ում

Դեկտեմբերի 25-ին The Club-ում կկայանա երաժշտական ալբոմի շնորհանդես, որի մեջ ներառված են 12 հեղինակ-կատարողների` Ռուբեն Հախվերդյանի, Վախթանգ Հարությունյանի, Էդուարդ Զորիկյանի, Արմինե Հայրապետյանի,Ռուբեն Բագրատունու եւ այլոց 16 երգեր:

 

«Bclub« Հեղինակային երգերի ալբոմ N1 այս ձայնասկավառակը 12 հեղինակ-կատարողների համատեղ ներկայանալու առումով աննախադեպ է,- PanARMENIAN.Net-ի թղթակցի հետ զրույցում նշեց կատարողներից մեկը` Բարդ-ակումբի ղեկավար Վախթանգ Հարությունյանը:

 

Նրա նախաձեռնությամբ յուրաքանչյուր ուրբաթ The Club-ում հեղինակային երգի երեկոներ էին անցկացվում, ինչը հիմք ծառայեց ձայնասկավառակի ստեղծման համար:

Շնորհանդեսի ընթացքում հեղինակ-կատարողները կներկայացնեն 2009-ի իրենց ստեղծագործական ուղին, կամփոփեն հնգամսյա համերգաշրջանը եւ կներկայացնեն 2010-ի ծրագրերը: Շնորհանդեսից հետո տեղի կունենա Բարդ-ակումբի այս տարվա վերջին համերգը զանազան հեղինակ-կատարողների մասնակցությամբ:


Ի հավելում` Տեղադրվել է 2009-12-28

Երիտասարդ հեղինակ-կատարողներն իրենց հանդիսատեսին նոր երգերով ու նոր մտքերով ներկայանալու հնարավորություն ունեն:
Հունվարի 15-ից սկսած` ամեն ուրբաթ օր, ակումբում կրկին կհնչեն կիթառն ու յուրահատուկ երկխոսությունը, որի մի կողմում հեղինակ-կատարողն է, իսկ մյուս կողմում` հանդիսատեսը:

Հեղինակային ուրբաթները «The Club»-ում վերածնունդ են ապրում: Այստեղ եւ´ մթնոլորտը եւ´ սովորաբար երիտասարդներից բաղկացած հանդիսատեսը տրամադրում են այն բանին, որ կուտակված հույզերն ու մտքերը կիթառի հնչյունների ներքո դուրս հորդեն երգերի տեսքով:

Երեկոների կազմակերպիչը հեղինակ-կատարող, բարդ-ակումբի ղեկավար Վախթանգ Հարությունյանն է: Հենց այդ ուրբաթներն են եղել «պատճառը», որ ստեղծվել է յուրահատուկ մի ձայնասկավառակ` «Հեղինակային երգերի N1 Bclub» անվամբ:

Հավաքածուի մեջ ներառված է 12 հեղինակ-կատարողների 16 երգ: Կատարողները տարբեր սերունդների ներկայացուցիչներ են` Ռուբեն Հախվերդյան, Վախթանգ Հարությունյան, Էդուարդ Զորիկյան, Արմինե Հայրապետյան, Ռուբեն Բագրատունի եւ այլք: Օրեր առաջ` դեկտեմբերի 25-ին, տեղի է ունեցել ալբոմի շնորհանդեսը, որի ընթացքում կատարողները ներկայացրել են 2009-ի իրենց ստեղծագործական ուղին, 2010-ին նախատեսված ծրագրերը, ինչպես նաեւ ամփոփել 5 ամիս տեւած համերգաշրջանը:

AddThis Social Bookmark Button
 
Կայքում են
We have 53 guests online

Մամուլը մեր մասին
Վարդան Գալստյանը՝ Բարև երկիր հաղորդման հյուր

Վարդան Գալստյանը՝ Երկիր Մեդիա  հեռուստաընկերության "Բարև, Երկիր" հաղորդման հյուր

 
Արմեն Ադամյանը՝ ATV Առաջին ծրագրի առավոտյան ծրագրի հյուր

Արմեն Ադամյանը՝ Առաջին ծրագրի առավոտյան ծրագրի հյուր, 26․06․2019

 
Bac tv. Արմինե Հայրապետյան

Bac tv. Արմինե Հայրապետյան․ Հեղինակային երգը իրոք պոեզիա է․․․

 
Առավոտը Շանթում` Հուսո Առագաստ 2019-ի մասին

Ռուբեն Քամալյանը հյուրընկալվել է Առավոտը՝ Շանթում ծրագրին
17.06.2019

 
bac tv. էդուարդ Զորիկյանը Համլետ Ղուշչյանի հյուրն է

Bac tv. էդուարդ Զորիկյան․ Հեղինակային երգը իմ առաջին սերն է․․․
8․06․2019

 
Առաջինի հյուրն է Վախթանգ Հարությունյանը

"Հուսո առագաստ-2018". նախապատրաստական աշխատանքները լուսաբանում է Առաջին ալիքը
22.06.2018

 
Ամենալավ պարգևը սերն է․ Վախթանգ Հարությունյան

journalist.am, 26/03/2018

 

 
«Ստվերները հաճախ ամենահարազատն են»

bravo.am-ը լուսաբանում է․
Վախթանգ Հարությունյան, 2․03․2018

 

 
Հեղինակային երգը երաժշտությամբ փաթեթավորված պոեզիա է. armenpress.am
Արմենպրես
22 Հունվար, 2018
 
«Ճեղքվող լռություն» համերգի անդրադարձը

Սիրով ներկայացնում ենք Բոհեմ համույթի՝ Վրաստանում կայացած համերգի անդրադարձը,

 
Աջակից

Place Your ad here!