Վերջերս թարմացվել են

Մամուլը մեր մասին Mamul.am-ը գրում է

Mamul.am-ը գրում է

«Հուսո առագաստ-2017»՝ հեղինակային երգի այլևս սպասելի մշակույթ
15.06.2017

mamul.am

«Բարդերի ակումբ» ստեղծագործական միավորումը «Սիվիլ արտ» մշակութային հասարակական կազմակերպության հետ համատեղ 2015 թվականից կազմակերպում է «ՀՈՒՍՈ ԱՌԱԳԱՍՏ» հեղինակային երգի փառատոնը, որն այս տարի ընդգրկում է միջազգային շրջանակներ։

Փառատոնի հիմնական նպատակը ոչ միայն սկսնակ հեղինակ-կատարողներին հայտնաբերելն ու նրանց ստեղծագործական գործունությունը խթանելն է, բեմ տրամադրելը, այլև մշակութային միջավայր ստեղծելը և բարդ ժանրի սիրահարների ու երգահանների միջև շփում ապահովելը։ Որպես կանոն՝ փառատոնն ընթանում է 2 փուլով՝ նախընտրական և եզրափակիչ։ Նախընտրական փուլում կազմակերպվում են լսումներ, ինչի արդյունքում եզրափակիչ փուլ են անցնում ժյուրիի կողմից ընտրված նորանուն տասը հեղինակ-կատարողներ։ Եզրափակիչ փուլում կազմակերպվում է հեղինակային երգի եռօրյա համերգաշար, որին մասնակցելու հնարավորություն են ստանում «Լավագույն տասնյակ» անվանակարգի արժանացած հեղինակ-կատարողները։ Փառատոնն ամփոփվում է հավաստագրերի, շնորհակալագրերի և խորհրդանշական նվերների հանձնման հանդիսավոր արարողությամբ և բարդ ժանրի մի քանի սերունդների մասնակցությամբ գալա մեծ համերգով։

«Հուսո առագաստ-2017» հեղինակային երգի միջազգային փառատոնը կանցկացվի հուլիսի 14-16-ը «Վիշապ» լողափում (Սևանա լիճ, Շորժա գյուղ): Նախընտրական լսումները կանցկացվեն Երևանում, ժյուրիի կազմը գլխավորում է հայտնի երգահան Էդուարդ Զորիկյանը։ Ինչպես տեղեկացանք փառատոնի կազմակերպիչներից, այս տարի «Հուսո առագաստ» -ի շրջանակում հանդես են գալու նաև Ռուսաստանից, Վրաստանից, Ուկրաինայից ժամանած հյուրեր, որոնց մի մասը հանդես է գալու մրցութային կարգով։

Փառատոնին մասնակցելու համար անհրաժեշտ է մինչև հուլիսի 7-ը լրացնել առցանց հայտը և ուղարկել հեղինակային 1 երգ (mp3 ձևաչափով, ստուդիոն ձայնագրությունը պարտադիր չէ), դրա տեքստը (PDF տարբերակով) և լուսանկար։ Պարտադիր է, որ հայտատուն ներկայացնի իր հեղինակային երգը (լինի թե՛ խոսքի, թե՛ երաժշտության հեղինա՛կը) և հանդես գա կիթառի սեփական կատարմամբ (և՛ նախնական լսումների, և՛ եզրափակիչ փուլի ժամանակ)։

Մշակութային նման նախագծերը ստեղծագործական հնարավորությունները բացահայտելու և մրցելու հնարավորություն են ընձեռում, ինչը չափազանց ոգևորող է հատկապես երիտասարդների համար, քանի որ հե՛նց նրանց կողմից է, որ հեղինակային երգն առանձնահատուկ սեր է վայելում։ Իսկ «Հուսո առագաստ»-ում ոչ միայն փայփայում և գնահատում են այդ սերը, այլև անում ամեն հնարավորը նոր սերնդի մտքում և սրտում այն պահպանելու համար։

AddThis Social Bookmark Button
 
Կայքում են
We have 54 guests online

Մամուլը մեր մասին
Վարդան Գալստյանը՝ Բարև երկիր հաղորդման հյուր

Վարդան Գալստյանը՝ Երկիր Մեդիա  հեռուստաընկերության "Բարև, Երկիր" հաղորդման հյուր

 
Արմեն Ադամյանը՝ ATV Առաջին ծրագրի առավոտյան ծրագրի հյուր

Արմեն Ադամյանը՝ Առաջին ծրագրի առավոտյան ծրագրի հյուր, 26․06․2019

 
Bac tv. Արմինե Հայրապետյան

Bac tv. Արմինե Հայրապետյան․ Հեղինակային երգը իրոք պոեզիա է․․․

 
Առավոտը Շանթում` Հուսո Առագաստ 2019-ի մասին

Ռուբեն Քամալյանը հյուրընկալվել է Առավոտը՝ Շանթում ծրագրին
17.06.2019

 
bac tv. էդուարդ Զորիկյանը Համլետ Ղուշչյանի հյուրն է

Bac tv. էդուարդ Զորիկյան․ Հեղինակային երգը իմ առաջին սերն է․․․
8․06․2019

 
Առաջինի հյուրն է Վախթանգ Հարությունյանը

"Հուսո առագաստ-2018". նախապատրաստական աշխատանքները լուսաբանում է Առաջին ալիքը
22.06.2018

 
Ամենալավ պարգևը սերն է․ Վախթանգ Հարությունյան

journalist.am, 26/03/2018

 

 
«Ստվերները հաճախ ամենահարազատն են»

bravo.am-ը լուսաբանում է․
Վախթանգ Հարությունյան, 2․03․2018

 

 
Հեղինակային երգը երաժշտությամբ փաթեթավորված պոեզիա է. armenpress.am
Արմենպրես
22 Հունվար, 2018
 
«Ճեղքվող լռություն» համերգի անդրադարձը

Սիրով ներկայացնում ենք Բոհեմ համույթի՝ Վրաստանում կայացած համերգի անդրադարձը,

 
Աջակից

Place Your ad here!