Agnes Gasparbek, mynews.am
Հինգշաբթի, June 21, 2012 - 20:00

Այսօր՝ հունիսի 21-ին մեկնարկեց Բացօթյա ընթերցանության փառատոնը, որը, այլ միջոցառումների շարքում, արժեւորվեց նաեւ Կասկադում կայացած հեղինակային երգերի, այլ կերպ ասած՝ բարդերի համերգով: Ելույթ էին ունենում թե՛ արդեն ճանաչված ու սիրված երգիչներ, թե՛ համեմատաբար նոր կատարողներ:

Համերգը "Բարև"-ով սկսեց Արմինե Հայրապետյանը, ում հաջորդեցին Շիբոյան եղբայրները, Վախթանգ Հարությունյանը և այլք: Աստիճաններին տեղավորված մարդիկ ձայնակցում էին, ավելի ռիթմիկ երգերի տակ՝ պարում, մի խոսքով՝ ջերմ ու մտերմիկ մթնոլորտ էր:

Օրը նշանակալից էր նաև նրանով, որ լույս էր տեսել "Բարդ ակումբի" նախաձեռնությամբ հրատարակված գիրքը՝ հեղինակային երգերի բառերով և կիթառի ակորդներով, և ակումբի երկրորդ ձայնասկավառակը: Շնորհանդեսը հենց այսօր էր: Առավել հաջողակ հադդիսատեսը նվեր ստացավ այդ գրքերից:

Դավիթ Ամալյանն էլ որոշեց իրենց գիրքը օգտագործել իբրև "օրինական հուշաթերթիկ"՝ նախորդ համերգների ծալծլված թղթերի փոխարեն:

Համերգը եզրափակեց հայկական հեղինակային երգի կարելի է ասել հիմնադիրը՝ Ռուբեն Հախվերդյանը: Վերջին երգը՝ "Երևանի գիշերներումը" երգեցին բոլորը՝ թե՛ բարդերը, թե՛ հավաքվածները: