Վերջերս թարմացվել են

Մամուլը մեր մասին Bravo.am. Արմինե Հայրապետյանն ու Վախթանգ Հարությունյանը` երազող խենթեր:)

Bravo.am. Արմինե Հայրապետյանն ու Վախթանգ Հարությունյանը` երազող խենթեր:)

bravo.am

Երբ ակումբում հավաքված են նույն բանաձեւով ապրող մարդիկ, իսկ ելույթ են ունենում միմյանց լրացնող արտիստներ, երբ միջավայրը ջերմ է, մթնոլորտն` անչափ հաճելի, հնչող երգերից հուզվում են, արտասվում, ուրախանում, հիշողությունների գիրկն ընկնում, ոգեւորվում, ուրեմն հեղինակային երգի համերգ է տեղի ունենում:):

Արմինե Հայրապետյանն ու Վախթանգ Հարությունյանը


Վախթանգ Հարությունյանն ու Արմինե Հայրապետյանն են օրերս “Ավանգարդ-ֆոլք” ակումբում տեղի ունեցած վերոնշյալ երեկոյի գլխավոր “մեղավորները”: Հեղինակ-կատարողները ներկայացրել են նաեւ իրենց նոր ձայնասկավառակները:    

“Խոստովանություններիս մեջ ամեն ինչ էլ կա. սեր, միայնություն, փնտրտուքներ էլ կան, գտած բաներ էլ, որոնք ինձ համար երջանկության աղբյուր են դարձել: Այս ամենն ամփոփել եմ մեկ սկավառակի մեջ”,- այսպես ներկայացրեց Վախթանգն իր նոր` “Я живу как живу” CD-ում զետեղված երգերի թեմաները: 

Հեղինակ-կատարողի երգերը տարբեր տրամադրություններ ունեն եւ բացի ռուսերեն լինելուց` մեկ ընդհանուր ու կարեւոր գիծ. “Ամեն ինչ անկեղծ է: “Я живу как живу” խոսքերի մեջ էլ ամփոփել եմ այդ անկեղծությունը, այսինքն` թաքցնելու բան չունեմ: Երբ խելառություններ եմ անում, ասում են` 40 տարեկանում նման բաներ չեն անում, բայց իմ դուրը գալիս է, ես դա անում եմ: Երբ ասում են` ճակատագրի հետ խաղալ չի կարելի, պատասխանում եմ` իսկ ինչի՞ հետ պետք է խաղալ. մարմինը փորձությունների տանելով` հնարավորություն ես ստանում ավելացնել հոգուդ բաժինը, եթե չանես դա, ապա մարմինն ինչի՞դ է պետք”:

Արմինե Հայրապետյանի եւ Վախթանգ Հարությունյանի ձայնասկավառակները

1998, 2000, 2005 թվականներին լույս են տեսել Վախթանգ Հարությունյանի հայերեն երեք ձայնասկավառակները, նոր ալբոմի վրա հեղինակն աշխատել է մեկ ու կես տարի. “13 երգն էլ 3-4 տարվա են: Վերջերս մի քիչ շատ եմ ռուսական գրականություն փորփրում ու թեեւ մտածելակերպս հայկական արմատից է, ռուսերեն եմ գրել` ցույց տալով, որ լեզվական շեմը հնարավոր է հաղթահարել եւ հենց ռուս մասնագետներից գովասանքի խոսքեր լսել”: 

Մայրն իրեն անընդհատ մեղադրում է “երգերի մեջ շատ անկեղծանալու համար”, ինչին Վախթանգը BRAVO.am-ի հետ զրույցում հետեւյալ պատասխանն է տվել. “Ես իրականում թաքցնելու բան չունեմ: Միշտ կարծել եմ` եթե ինչ-որ չափով փորձեմ թաքցնել անկեղծությունս, ուրեմն երգը տուժելու է: Ինչպես գրվել է, այդպես էլ ներկայացրել եմ եւ չեմ մտածել, որ կարող է ինչ-որ մի բան էլ դառնա երկկողմանի սուր, մի կողմն էլ մխրճվի իմ սիրտը”: 

Հեղինակ-կատարողը հայերեն անթիվ-անհամար երգեր ունի, արդեն սկսելու է հինգերորդ ձայնասկավառակի աշխատանքները:

 Վախթանգ Հարությունյան
Արմինե Հայրապետյանի կատարումները եւս հանդիսատեսը մեծ ջերմությամբ էր ընդունում ու ձայնակցում էր հեղինակին: Ի դեպ, “Բարեւ”-ի առաջին շնորհանդեսը, որին BRAVO.am-ը անդրադարձել է, տեղի է ունեցել նոյեմբերի 4-ին. “Ինքս էի ընտրել այդ օրը` ի հիշատակ իմ ամուսնու: Բավական լավ ու գեղեցիկ միջոցառում ստացվեց, որին մասնակցելու ցանկություն բազմաթիվ մարդիկ էին հայտնել, սակայն ներկա չկարողացան գտնվել դահլիճի ոչ այդքան մեծ լինելու պատճառով, ես էլ խոստացա կրկնել երեկոն: Իհարկե, սա կրկնություն չէր, երգացանկն էլ ընթացքում էր որոշվում, ամեն դեպքում սկավառակն ավելի լայն կերպով այս անգամ ներկայացվեց”: 

“Շատ ուրախ եմ, որ մեր երկխոսությունը հերթական անգամ կայացավ եւ կայացավ հաճելի ու ուրախ կերպով”,- նշել է Արմինե Հայրապետյանն ու հավելել. “Նմանը նմանին գտնում է, եւ փառք Աստծո, որ այդպես է: Մեր նմանների կյանքի բանաձեւը բացարձակ անկեղծությունն է”:

Արմինե Հայրապետյան
Ի դեպ, երգչուհին նույնպես իրենց խենթեր անվանեց. “Միապաղաղ մարդիկ տաղտկալի են,  շուտ ձանձրացնում են իրենց էլ, մյուսներին էլ: Մարդը պետք է մի քիչ խենթ լինի. երբ ուզում ես բացականչել, որ աշխարհը գեղեցիկ է, պիտի բացականչես, երբ ուզում ես լացել լինել, պիտի լաց լինես` անկախ նրանից, որ քեզ նայում են, ամոթ է: Պետք է զերծ լինել բոլոր ձեւականություններից եւ հեռու մնալ ամեն տեսակ պայմանականություններից, որոնք դնում է քաղքենի միջավայրը”: 

Տեքստը` Լիլիթ Բաբայանի/Bravo.am/
Լուսանկարները` Mana-Litta-ի/Bravo.am/

AddThis Social Bookmark Button
 
Կայքում են
We have 34 guests online

Մամուլը մեր մասին
Վարդան Գալստյանը՝ Բարև երկիր հաղորդման հյուր

Վարդան Գալստյանը՝ Երկիր Մեդիա  հեռուստաընկերության "Բարև, Երկիր" հաղորդման հյուր

 
Արմեն Ադամյանը՝ ATV Առաջին ծրագրի առավոտյան ծրագրի հյուր

Արմեն Ադամյանը՝ Առաջին ծրագրի առավոտյան ծրագրի հյուր, 26․06․2019

 
Bac tv. Արմինե Հայրապետյան

Bac tv. Արմինե Հայրապետյան․ Հեղինակային երգը իրոք պոեզիա է․․․

 
Առավոտը Շանթում` Հուսո Առագաստ 2019-ի մասին

Ռուբեն Քամալյանը հյուրընկալվել է Առավոտը՝ Շանթում ծրագրին
17.06.2019

 
bac tv. էդուարդ Զորիկյանը Համլետ Ղուշչյանի հյուրն է

Bac tv. էդուարդ Զորիկյան․ Հեղինակային երգը իմ առաջին սերն է․․․
8․06․2019

 
Առաջինի հյուրն է Վախթանգ Հարությունյանը

"Հուսո առագաստ-2018". նախապատրաստական աշխատանքները լուսաբանում է Առաջին ալիքը
22.06.2018

 
Ամենալավ պարգևը սերն է․ Վախթանգ Հարությունյան

journalist.am, 26/03/2018

 

 
«Ստվերները հաճախ ամենահարազատն են»

bravo.am-ը լուսաբանում է․
Վախթանգ Հարությունյան, 2․03․2018

 

 
Հեղինակային երգը երաժշտությամբ փաթեթավորված պոեզիա է. armenpress.am
Արմենպրես
22 Հունվար, 2018
 
«Ճեղքվող լռություն» համերգի անդրադարձը

Սիրով ներկայացնում ենք Բոհեմ համույթի՝ Վրաստանում կայացած համերգի անդրադարձը,

 
Աջակից

Place Your ad here!