Վերջերս թարմացվել են
- Անցուդարձ
- Համեցեք ընտրական փուլի համերգին, 30.06.3023
- Հուլիսի 17-ին մեկնարկում է Հուսո առագաստ 2023 առցանց փառատոնը
- Սրբուհի Սիմոնյանն ու Արևիկ Կարապետյան՝ Կենտրոնի առավոտը, 27.04.2022
- Ամենալավ պարգևը սերն է․ Վախթանգ Հարությունյան
- «Ճեղքվող լռություն» համերգի անդրադարձը
- Հեղինակային երգը երաժշտությամբ փաթեթավորված պոեզիա է. armenpress.am
- Առաջինի հյուրն է Վախթանգ Հարությունյանը
Կենսագրություն. Վախթանգ Հարությունյան
պոետ, երգահան, սցենարիստ, պրոդյուսեր, դիզայներ
Կենսագրական`
Ծնվել է 1972թ. փետրվարի 29-ին:
- Ոչինչ պատահական չի լինում,երևի այս օրն էլ իմ համար էր որոշված:
1979 - 1989 թ. սովորել է հինգ տարբեր միջնակարգ դպրոցներում և դժվարությամբ վերջապես ավարտել թիվ 190 ռուսական միջնակարգ դպրոցը:
1989 – 1994 թ. սովորել է Երևանի Պետ. Մանկավարժական Համալսարանի տեխնիկական ստեղծագոծության ֆակուլտետի բաժնում, այդ տարիներից մնացել են միայն կիթառի մասնավոր դասերն ու շփումը գեղեցիկ սեռի ներկայացուցիչների հետ, որոնք իրենց հերթին թողել են իրենց ուրույն դրոշմը ապագա երգահանի վրա:
1994 – 1995 թ. ծառայել է Հայաստանի Հանրապետության հատուկ նշանակության գումարտակում:
Մեծ հպարտությամբ Է հիշում այն ամենն, ինչ պարտավոր է անցնել յուրաքանչյուր տղամարդ:
1995-1998թ աշխատել է Հայաստանի Ազգային հեռուստատեսությունու որպես լրատվական ծառայության խորհրդական:
- Խորհուրդներս ինչքանով ընդունում էին, այդքանով էլ բավարարված էի զգում, հենց սկսեցին կարիքս քիչ զգալ՝ հեռացա:
1998 մինչ այսօր աշխատում է Մետեո Թի-Վի հեռուստաընկերությունում:
- Այստեղ դեռևս կարիքս զգում են, հուսով եմ մի օր էլ այստեղ ամեն բան ինքն իրեն կընթանա, ու այստեղից էլ կհեռանամ՝ մի նոր քամով տարված:
Ամուսնացած է, ունի երկու երեխա:
Ստեղծագործական կենսագրական`
1. 100-ից ավելի երգերի և բանաստեղծությունների հեղինակ է
2. Հեղինակ և պրոդյուսերն է "Հայոց տաճարներ” ֆիլմաշարի
3. Հայաստանի գովազդային ասոցիացիայի հիմնադիրներներից է
4. Հեղինակային երգի փառատոնների կազմակերպիչ է
5. "Կուլիսներ", "Ելակետ", "Հանգույց", հաղորդաշարերի պրոդյուսերն է
6. Պարգևատրվել է “Ն.Ս.Օ.Ս.Տ մեդալ"- ով,
7. Բազմիցս արժանացել է շնորհակալագրերի ամենամյա ՙՈսկե կիթառ՚ փառատոնի ցուցաբերած աջակցության համար:
8 Պարգևատրվել է ՀՀ մշակույթի նախարարության կողմից հեղինակային երգի ասպարեզում զգալի ավանդի համար
9. Բազմաթիվ փառատոների և մրցույթների դիպլոմակիր է,
10. Թողարկվել են Վախթանգ Հարությունյանի երգերի 3 CD-ը (ՙ"Ցնորք", "Վերադարձ", "Ես ու Ես") և 2 ձայներիզները (ՙ"Զրույց", Հեղինակային երգի հավաքածու 1) համատեղ այլ հեղինակ-կատարողների հետ:
- Այն ամենն, ինչ չնշվեց, փնտրեք համացանցում, կամ մարդկանց սրտերում: