ՏաՏայի հյուրասենյակում սկսում ենք պարբերական հանդիպումների շարքը մայրիկների եւ բալիկների համար:

Մայիսի 16-ին` շաբաթ, ժամը 11-ին, երեխաներին եւ նրանց մայրիկներին երաժշտական հեքիաթ են պատմելու

երգչուհի-կիթառահարուհի Արմինե Հայրապետյանը եւ ֆլեյտահարուհի Նելլի Մանուկյանը: Հեքիաթը իրենց իսկ որդեգրած գեղեցիկ գործիքների մասին է` կիթառի եւ ֆլեյտայի: Երեխաները շատ նոր բան կիմանան, մայրիկները գուցե կվերհիշեն, իսկ բոլորս միասին վայելելու ենք անկեղծ ու մտերմիկ երաժշտություն:

Հանդիպման ընթացքում միջավայրն ազատ է լինելու, ՏաՏան կհյուրասիրի սուրճ/թեյ եւ թխվածքաբլիթներ, իսկ երեխաները ձեռքի ստեղծագործ աշխատանքով կզբաղվեն:

Համերգ-հանդիպումը նախատեսված է 0-12 տարեկան երեխաների համար իրենց մայրիկների կամ նաեւ հայրիկների/տատիկների/հորաքույրների հետ միասին: Մեր հյուրասենյակը սահմանափակ տեղեր ունի, հետեւաբար նախնական գրանցումը պարտադիր է` 096 86 8282 հեռախոսահամարով կամ մեր էջին ուղարկված հաղորդագրությամբ`https://www.facebook.com/tata.armenia: Մեծահասակների համար մուտքն արժե 2000դրամ, իսկ երեխաների համար` 1000: Մինչեւ 1 տարեկանների մուտքն անվճար է:

Մեր նոր հասցեն` Բուզանդի 43 կամ շատերիս սիրելի Մաշտոցի այգի (Մարգարյան հիվանդանոցի հարեւանությամբ):

Կհանդիպենք