Վախթանգ Հարությունյան. «Մենք հիմա underground-ի մեջ ենք` մեր տեսակով փակվել ենք»

hetq.am

15:48, 15 ապրիլի, 2011

Մեկը տեսնում է` դրսում կիթառով մի մարդ բարդ բան է նվագում, կողքը մեկը հարվածային գործիքի վրա թմբթմբացնում է: Ասում է` նա նվագում է, դու ի՞նչ ես անում: Պատասխանում է` դու չես հասկանում. ինքը դեռ այս նոտան ման է գալիս, որը ես վաղուց գտել եմ:

«Կյանքի ցանկացած փուլ դեգերումների մեջ է: Բայց այդ դեգերումները վերջում բերում հանգեցնում են ինչ-որ մի բանի: Նախապատվելի է այն մարդը, որն այդ նոտան գտնելուց հետո բաց չի թողնում, չնայած իմ տեսակը չի դա: Ես եթե նույնիսկ գտել էլ եմ, դա թողնում եմ հանգիստ, անցնում եմ ուրիշ նոտա ման գալու»:

hetq.am

10:30, 11 ապրիլի, 2011

Հեղինակային երգի սիրահարները արդեն լավ գիտեն այն հասցեն, որտեղ կարող են ունկնդրել իրենց սիրելի բարդերին եւ ժամանակ անցկացնել ջերմ միջավայրում, որտեղ բոլորն իրար հարազատ են: Ամեն ուրբաթ Երեւանի կենտրոնում գտնվող ակումբներից մեկում` Ակումբում, բարդերը հավաքվում են` շարունակելու կիթառի հնչյունների ներքո երգելու հին ու բարի ավանդույթը:

19.12.10 Bravo.am

Դեկտեմբերի 17-ին The Club-ում կրկին հեղինակային երգի երեկո էր, իսկ հեղինակը` Վախթանգ Հարությունյանը: Երկար ժամանակ խուսափելով անհատական երեկոյից`Վախթանգը սահմանափակվում էր ամեն ուրբաթ 4-5 երգ կատարելով, քանի որ, ինչպես ինքն է նշում, առանձնապես ցանկություն չուներ վերհիշել 20 տարի առաջվա երգերն ու վերապրել դրանք: Ամեն դեպքում, հեղինակը մոտ 100 երգից ընտրել էր 25-30 ստեղծագործություն եւ դրանք ներկայացրեց հեղինակային երգը գնահատողների դատին:

Կայացավ Վախթանգ Հարությունյանի հեղինակային երգերի երեկոն

22.11.10   Bravo.am

Ռաֆայել Պապայան

Նա գաղութում վառված լուցկու մրով Մեծարենց է թարգմանել

“Օկուջավայի պարզությունն ու խորությունը փոխանցելու համար առնվազն իսկական պոետ է պետք լինել` բառի ամենախոր իմաստով: Ես համոզված եմ, որ Ռաֆայել Պապայան երեւույթը, որպես այդպիսին, նույն աղբյուրից եւ տեղից է վերցրել, պարզապես հայերեն լեզվով: Իր արածը զուտ թարգմանություն չէ: Գործերը ամբողջությամբ հայեցի են. ոչ մի  տառ չկա, որի մեջ այլ կուլտուրայի ազդեցություն կնկատեք”,- ասաց Վախթանգ Հարությունյանը:

«ԱԶԳ» օրաթերթ #162, 08-09-2010

Հեղինակային երգի ամենշաբաթյա երեկոները, որ ընթանում են արդեն մեկ տարի անընդմեջ The Club-ում, ամառային հանգստի շրջանից հետո կվերսկսվեն սեպտեմբերի 17-ին: Հենց դա էլ Հայաստանում հեղինակային երգի հասանելիության ու պահանջվածության մասին ավելի քան հարյուր երգերի ու բանաստեղծությունների հեղինակ, «Հայոց տաճարներ» ֆիլմաշարի հեղինակ-պրոդյուսեր, «Ցնորք», «Վերադարձ», «Ես ու Ես» ալբոմների հեղինակ Վախթանգ Հարությունյանի հետ զրույցի առիթ դարձավ:

- Հայաստանում հեղինակային երգը պահանջվա՞ծ է, ունկնդիր ունի՞: