Վերջերս թարմացվել են

Երգ, որ միտքը տանում է ինքնաճանաչման, հոգին` ինքնամաքրման…

1.03. 2017

MusicOfArmenia-ն գրում է

Հեղինակային երգը 20-րդ դարի եզակի մշակույթային երևույթներից է, որը տարբերվում է ռիթմերի և հնչերանգների բազմազանությամբ, բանաստեղծական ոգով: Այն առաջին իսկ վայրկյանից գրավում է ունկնդրին իր` հոգու լարերին դիպչելու հատկությամբ, ինչն ընդգծվում է հեղինակի կատարման ոճով:

Հեղինակային երգերը տարբերվում են թեմատիկ բազմազանությամբ` նրանք երգում են սիրո, բարեկամության, անփոփոխ մարդկային արժեքների մասին:

Բանաստեղծական անկեղծ մենախոսություն, խոստովանություն` այսպես կարելի է բնութագրել հեղինակային երգը:

Հեղինակային երգարվեստի, նրա դերի, և, առհասարակ, այս երևույթի մասին կզրուցենք այս ոլորտի վառ ներկայացուցիչ, երգահան, «Բարդ» ակումբի համահիմնադիր Վախթանգ Հարությունյանի հետ:

- Վախթանգ, այսօր գրեթե բոլորը ծանոթ են բարդերին, նրանց ստեղծագործություններին, բայց քչերը գիտեն, թե ե՞րբ է իր սկիզբը դրել հայ հեղինակային երգարվեստը:

- Կարծում եմ, այդ երգող պոետները միշտ էլ եղել են` Ջիվանի, Սայաթ-Նովա և այլոք, պարզապես կիթառը սազն էր, բայց դա էական չէ երգահանի համար, եթե նա ասելիք ունի: Իսկ մեր կիթառային տարեգրությունը սովորաբար Հախվերդյան Ռուբենով ենք ընկալում:

- Ինչպիսի՞ դեր ունի այսօր հեղինակային երգը հայ երաժշտարվեստում: Հետաքրքիր է լսել Ձեր կարծիքը:

- Ինչպիսի՞ դեր կարող է ունենալ արվեստի այն դրսևորումը , որը մարդու միտքը տանում է ինքնաճանաչման, հոգին` ինքնամաքրման: Կարծում եմ, երբ առերեսվում ենք ինքներս մեզ հետ, հենց այդ ժամանակ է, որ այս երգարվեստը կարևոր դեր է խաղում ու դառնում մշտական ուղեկից:

- Վախթանգ, կարծես թե, սերն ու հետաքրությունը դեպի հեղինակային երգարվեստը վերջին տարիներին վերելք են ապրում: Համաձա՞յն եք այս կարծիքի հետ: Եթե այո, ապա ինչի՞ հետ եք դա կապում:

- Հեղինակային երգը կամուրջ է` տանող դեպի մաքուր պոեզիա, դեպի անկեղծ մարդկային հարաբերություններ, դեպի միջավայր, որտեղ մարդիկ մոտ են բնությանը: Այդ կամրջակը անտեսանելի է , բայց նրա դերակատարումը շրջադարձային է լինում մարդու կյանքում: Բազմիցս ականատես եմ եղել նման երևույթներին: Դա է գաղտնիքը:

- Ամփոփելով անցյալ տարին, հայ հեղինակային երգի ի՞նչ նոր բարձունքների մասին կարող ենք խոսել: Արդյոք 2016-ը նորություններ բերե՞ց հայ բարդերի ստեղծագործական կյանքում:

- «Հուսո առագաստ» հեղինակային երգի փառատոնի շնորհիվ 2016-ին բացահայտեցինք այս ժանրի հինգերորդ սերունդի ներկայացուցիչներին, որոնցից 10-ը հնարավորություն ստացան մասնակցել փառատոնին, երգել ու մաս դառնալ մեր մեծ ընտանիքի:

- Ի՞նչ պլաններով են բարդերն սկսել այս տարին: Կուրախացնե՞ք ունկնդրին «Հուսո Առագաստ» փառատոնով: Որտե՞ղ կարող է ձեզ տեսնել հեղինակային երգարվեստի երկրպագուն:

- Բացի ուրբաթօրյա համերգները բարդերի ակումբում, մենք ամենքս առանձին մենահամերգներով ներկայանում ենք տարբեր հարթակներում, տոնական օրերին քաղաքում հաճախ առանձին հարթակ է տրամադրվում հեղինակային երգին, որտեղ և բոլորս միասին տոնում ենք մեր երգերի ներքո:
Այս տարի հուլիսի 14-16-ն ընկած ժամանակահատվածում «Հուսո առագաստը» Սևանում (Շորժա, «Վիշապ» լողափ) կրկին կընդունի հեղինակային երգի բոլոր սիրահարներին: Դեռ պետք է աշխատենք, որ այդ օրերը տոնական շնչով լցվեն: Հուսամ, այս երգարվեստի սիրահար մարդկանց ու կազմակերպությունների շնորհիվ ամեն բան կլինի, ինչպես հարկն է:

Ի դեպ, արդեն նամակներ եմ ստացել մի շարք երկրների բարդերից, որոնք ցանկություն ունեն միանալ մեզ: Ավելի քան 20 երաժիշտ տարբեր երկրներից պատրաստվում են գալ ու մասնակից դառնալ մեր փառատոնին:

 

- Հեղինակային երգը շատ հաճախ նաև դիպչում է հասարակությունում տիրող խնդիրներին: Ի՞նչ եք կարծում, ունենում է երգն իր ազդեցությունն այդ խնդիրների լուծման վրա:

- Սա այն ժանրն է, որը հայելու պես արտացոլում է այն ամենը, ինչ կա մեր իրականությունում, և, գուցե, հենց այդ պատճառով է սիրված շատերի կողմից և անընդունելի` մյուսների:

Հաճախ ժամանակից առաջ հայտնվելով հանգեր են հնչում, որոնք դեռ պետք է կատարվեն: Դրա անունն ինչ էլ դնենք , հասարակության զարկերակը զգացող ու արձագանքող տեսակ է, երգի ու այս ժանրի կարևորագույն դերակատարումներից է, կարծում եմ: Կուզե՞ք, կոչե՜ք հասարակության խիղճ , որն արթուն է մնում երգի տեսքով:

 

- Վախթանգ, հեղինակային երգը պոեզիա, երաժշտություն լինելուց բացի նաև խորը փիլիսոփայություն է: Ո՞րն է Ձեր երգի փիլիսոփայությունը:

- Լսեք երգերս, հարցի պատասխանը հաստատ կգտնեք տարբեր երգերում, տարբեր հանգերում: Մի բան հստակ է` մենք բոլորս կապված ենք տեսանելի և անտեսանելի թելերով: Եթե ցանկանում ենք, որ իրականությունն ավելի լավը լինի, ապա սկսենք ամենքս մի մասնաբաժին անանձնական սիրո դրսևորումից` հանուն այդ ցանկալի իրականության:

- Վախթանգ, շնորհակալություն զրույցի համար: Նոր ստեղծագործական հաջողություններ Ձեզ և «Բարդ» ակումբին:

Հարցազրույցը վարեց Նարե Բեջանյանը

AddThis Social Bookmark Button
 
Կայքում են
We have 77 guests online

Մամուլը մեր մասին
Հեղինակային երգը երաժշտությամբ փաթեթավորված պոեզիա է. armenpress.am
Արմենպրես
22 Հունվար, 2018
 
«Ճեղքվող լռություն» համերգի անդրադարձը

Սիրով ներկայացնում ենք Բոհեմ համույթի՝ Վրաստանում կայացած համերգի անդրադարձը,

 
Կենտրոն TV-ն լուսաբանում է 9-րդ համերգաշրջանի բացումը

20․09․2017

 

 
9-րդ համերգաշրջանի բացում․ Bravo.am

Bravo.am-ի անդրադարձը Բարդերի ակումբի հերթական՝ 9-րդ համերգաշրջանի բացմանը

 
b24.am. «Հուսո առագաստ-2017» փառատոնի արդյունքները

Հայկական Բիզնես Լուրերի b24.am կայքը օգոստոսի 7-ին

 
"Հուսո Առագաստ-2017". նախընտրական լսումներ

Լուսաբանում է Կենտրոն հ/ը

 
Կենտրոնի առավոտը 12.07.2017

Այսօր Կենտրոն հ/ը հյուրերն են Սարգիս և Գագիկ Շիբոյանները և Արևիկ Կարապետյանը

 
Բարև, Երկիր 05.07.2017

Երկիր Մեդիայի հյուրերն են Արմինե Հայրապետյանն ու Ռուբեն Քամալյանը
05.07.2017

 
Կենտրոնի առավոտը 03.07.2017

Սրբուհի Սիմոնյանն ու Արմեն Ադամյանը՝ Կենտրոն հ/ը հյուր

 
Արմինե Հայրապետյանի առավոտը Շանթում

30.06.2017

 
Ուրիշ նորություններ․ Ռուբեն Քամալյան

29.06.2017

 
ArmeniaSputnik.am пишет:

Ереванский бард-концерт собрал лучших исполнителей

24,06,2017

 
Կենտրոն հ/ը է այցելել Արմինե Հայրապետյանը

Արմինե Հայրապետյանը "Կենտրոնի առավոտը" հաղորդաշարի հյուրն է

22․06․2017

 
Սպուտնիկ Արմենիայի հյուրն է Էդուարդ Զորիկյանը

Ուրիշ նորություններ
21․06․2017

 
Mediamall.am. մեկնարկում է«Հուսո առագաստ 2017» փառատոնը

«Բարդեր»-ի համերգաշրջանն ավարտվեց

17.06.2017

 
Աջակից

Place Your ad here!