Վերջերս թարմացվել են
- Անցուդարձ
- Համեցեք ընտրական փուլի համերգին, 30.06.3023
- Հուլիսի 17-ին մեկնարկում է Հուսո առագաստ 2023 առցանց փառատոնը
- Սրբուհի Սիմոնյանն ու Արևիկ Կարապետյան՝ Կենտրոնի առավոտը, 27.04.2022
- Ամենալավ պարգևը սերն է․ Վախթանգ Հարությունյան
- «Ճեղքվող լռություն» համերգի անդրադարձը
- Հեղինակային երգը երաժշտությամբ փաթեթավորված պոեզիա է. armenpress.am
- Առաջինի հյուրն է Վախթանգ Հարությունյանը
Yerkir.am. Մեկնարկում է «Հուսո առագաստ 2016» փառատոնը
12.06.2016
ՀՀ մշակույթի նախարարության աջակցությամբ, «Սիվիլ արտ» մշակութային ՀԿ-ն և «Բարդերի ակումբ» ստեղծագործական միավորումը՝ ս. թ. հուլիսի 15-17-ը, ՀՀ Գեղարքունիքի մարզի Շորժա գյուղին հարակից «Վիշապ» լողափի տարածքում կանցկացնեն «Հուսո առագաստ-2016» հեղինակային երգի համահայկական երկրորդ փառատոնը:
Փառատոնի նպատակն է հեղինակային երգի և պոեզիայի ավանդույթների պահպանումը, զարգացումը, հեղինակային երգի ժանրում լավագույն երգերի տարածումը, ինչպես նաև նորահայտ ստեղծագործողների խրախուսումն ու հեղինակ-կատարողների միջև ստեղծագործական շփումների ակտիվացումը:
Փառատոնի ընթացքում կհնչեն ընտրական փուլը հաղթահարած, ինչպես նաև «Հուսո առագաստ 2015» փառատոնին մասնակցած և արդեն ճանաչված երգահանների ստեղծագործությունները, միասնական համերգով հանդես կգան «Հուսո առագաստ 2016-ի», ինչպես նաև 2015-ի մասնակից և լավագույն հեղինակ-կատարողներ՝ Քրիստ Մանարյանը, Վահան Արծրունին, Էդուարդ Զորիկյանը, Վախթանգ Հարությունյանը, Ռուբեն Հախվերդյանը, Կարեն Մամիկոնյանը, Արմինե Հայրապետյանը, Ռուբեն Քամալյանը, Գագիկ Շիբոյանը, Սարգիս Շիբոյանը և այլոք:
Սիրված երգահանների մասնակցությամբ փառատոնի ընթացքում տեղի կունենան «Արվեստանոցային հանդիպումներ» խորագրով վարպետության դասեր, համերգներ՝ խարույկի շուրջ, ինչպես նաև համերգային փոքրիկ ծրագրեր և այլ մշակութային միջոցառումներ: